Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Spektra Selasih terbit karya sulung, 'Jibam' |  TRUMS anjur Program Kepimpinan Global |  Perayaan Krismas KK bermula kelmarin hingga Khamis |  43 keluarga Kampung Bomboi terima bantuan tangki air |  Pekerja ladang didenda RM20 ribu, cuba sogok penguat kuasa |  Hampir 3,000 penyata GST-03 belum diserah |  Empat pemancing diselamatkan APMM selepas 20 jam hanyut |  Keningau maintain charge |  KK exponents dominate karate |  Zachary wins third archery gold |  ONCAMPUS Hull offers pathway to higher education |  Young foreigner jailed for possessing other’s MyKad |  Cabbies and e-hailing service drivers unaware of scheme |  Pray for a better and safer KK, SCC president Bishop Melter asks Christians |  YES contributes RM150,000 towards KK Christmas carnival | 
 Kadazan Dusun

PPM om Polair pinopoimagon aiso pinamagakaman tuhun tongosiou

160617-lead-5c
Gambal id siibo: Norzaid om i Untung minokigambal montok kaandaman sangavian do puu PPM om Polair.

16th June, 2017

Di NAZRINI BADARUN nazrini@newsabahtimes.com.my

TAWAU: Tinimungan Pulis Marin (PPM) om Pulis Vaig Indonesia (Polair) pinopoimagon do aiso nuununu pamagakaman do tuhun i kikotumbazaan tongosiou momoguno lahan vaig vazaan sumuang Malaysia-Indonesia montok kumaa Filipin.

Minoboos i Kumoduvo Komander Tinimungan Pulis Marin, Supt Norzaid Mohammad Said om i Komisaris Pulis Polair, Untung Mulyono do panamangan topiot id hivang pivohitan duuduvo pomogunan maso poingkavason.

Norzaid hinansan do PPM, minoboos do pivohitan kavaigan do duuduvo pomogunan i noikot hinaab mimang do potoguvang ahal kahasaan kadaapas pivohitan kaampai no tuhun tongosiou.

“Au tokou ohimon dati do kivaa ponginaman mamadadi vazaan diti do transit, poingkuo po nga nokopitumbozo tokou tumoguvang tundoonok tuhun tongosiou miampai sangavian miampai mamantod pisokodungan maza piahanan kopoihaan di kogompit,” ka disido.

Naamot diho, Untung, i hinansan do Polair nopo nga minoboos do piahanan kopoihaan id piahatan pomogunan diti nga kiguno binuzu do tuhun tongosiou kivaan kahansanan momoguno vazaan pivohitan do Indonesia-Malaysia montok mugad id Filipin.

“Sohinaid diti, aiso po tuhun tongosiou di nagakom nontodonon mogohimu sumuang om au tokou nokotoimo nuununu kopoihaan kokomoi ahal diti, poingkuo po nga nung kivaa kopoihaan diho, sogkomon dotokou,” ka disido. Di poguhui diho, duuduvo dioho notuubungan do monunuat abal i tuminanud tinimungan pituubungan do PPM om Polair id sakai do kapal vaig PPM id pivohitan Tawau-Nunukan, do doiti di tadau Kotohu.

Pituubungan kiikila 20 minit diho id piahatan do Norzaid om di Untung, nopupusan miampai piahanan tindalam raya poguhui abaabazan mongukab kodos om sangavian minonumbozo solat terawih id piahatan do duuduvo tinimungan koumohigan di kogompit.

Id pinituubungan diho, duuduvo dioho kopiupakat mamantod pisokodungan monguhan tundoonok tuhun tongosiou i kuminam momoguno hivang kavaigan pivohitan Tawau, Malaysia om Nunukan, Indonesia sabaagi transit pakaazan id Filipin.

PPM om Polair nga tomoimo nogi potounda om sangavian momiot panamangan id vazaan sumuang pivohitan Malaysia-Indonesia montok mongiho kozo do kavaigan duuduvo pomogunan do atamangan om oumohig.

Id ahal ponogi diho, duuduvo nga nokopiupakat nogi do monguhan mogisusuvai ahal kahasaan kadaapas pivohitan id piahatan do duuduvo pomogunan hobi no i kopogompit pogohimuvan bakaang, ahal migran om nogi pogohimuvan dadah.

Pinituubungan diho nga notindapou nogi di hahansanon do Komontilian Pidagangan Suang Pogun om Kopomogunaan (KPDNKK) om nogi Oginsi Kopokuasaan Maritim Malaysia (APMM).

   
Email Print
   
 
 
E-browse