Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Io’ Keewon dii Carl mongunsikou nakaanu kosiwatan |  Keewon dan Carl syukuri peluang persembahan di Mrs Borneo Queen 2018 |  Keningau tuan rumah pelancaran Kaamatan Peringkat Negeri: Pairin |  Graduan UMSKAL johan Pertandingan Pidato 1Malaysia |  TLDM anjur Program Interaksi sempena Hari Ulang Tahun ke-84 |  Bayi baru lahir ditemukan di pintu pagar masjid |  APMM pintas 12 PATI di perairan Kinabutan |  Mansuh GST akan buat defisit fiskal meningkat: Madius |  Rozman yakin BN Labuan kekalkan momentum menangi PRU14 |  Mahkamah tolak saman minta PM bentang persempadanan semula di Sabah |  Najib peraku hak Sabah dilaksanakan, kata Zahid |  BN akan terus bangunkan Sabah dan Sarawak |  Kedah unseat Junior Rhinos |  Setback for Sabah Rhinos |  K2 and Tritonic for Borneo Marathon | 
 Kadazan Dusun

150 minghuhuda OKU nokotoimo sakadai raya

160617-bakisa-2c
Faridah (koonom mantad vanan) miampai puu ngaavi BAKISA om tombuhui minokigambal kaandaman.

16th June, 2017

KENINGAU: Kiginumu 150 minghuhuda au kadansaan (OKU) nokotoimo sakaadi Aidilfitri mazaa Abaabazan Semai Bakti naazu Tinan Koponuhungan om Kotundunan Savo hahansaon ngaavi Layat Sabah (BAKISA) id Dewan Kinuama Hongon somok doiti.

Izioho nopo nga mantad Pongumohigan Suang Tinimungan (PDK) Kampung Merapong, Keningau, Tenom, Tambunan, Nabawan saviavi nokotoimo do usin raya, tindalam raya om basaan i pinotunui di Yang Dipertua BAKISA, Datin Seri Panglima Datuk Faridah Tussin.

Isido i nogi savo kumaa Vozoon Montili Sabah minoboos, abaabazan dino nopo nga abaabazan tounan BAKISA potitikid timpu koikatan vuhan Ramadan.

“Ino kiangkab popotounda hivang om kosivatan montok BAKISA monongkisuau miampai misoomo do tinimungan OKU suvai ko popotunui sakadai tokuudi mooi izioho kaanu monoimo Hari Raya Aidilfitri mikot id suang koozuzuvo ounsikou om osindak.

“Tinimungan OKU mositi au kavasa do hiivan toi ko koingisan mantad mogiigizon hoohobi po vagu id suang vuhan Ramadan i tabaakas diti,” ka di Faridah.

Minoboos isido dino ontok Lamai Kopotunuzan Sakadai Hari Raya Abaabazan Semai Bakti nazatan Pogun Sabah di Tadau Kaapat.

Ka disido, nadadi tonggungan mogiigizon montok mongintong miampai manaak sakadai kumaa dioho di au songkuo avasi nasip.

Ontok po nogi dino, monuu nogi i Faridah mohoingon i kivaa tanak OKU popolijisto tanak dioho kumaa Koupisan Kotundunan Mogiigizon mooi tanak ngaavi dioho aanu momohuda miampai otuhung mantad noonombo agensi di kogompit miampai kotundaan OKU.

Ka disido, OKU au apatut dino okomi iso tonggungan toi ko kokuangan tu izioho nga kaanu humantoi om monongkiahi nung onuan pongintangan totuhid pinghudaan potihombus.

   
Email Print
   
 
 
E-browse