Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Io’ Keewon dii Carl mongunsikou nakaanu kosiwatan |  Keewon dan Carl syukuri peluang persembahan di Mrs Borneo Queen 2018 |  Keningau tuan rumah pelancaran Kaamatan Peringkat Negeri: Pairin |  Graduan UMSKAL johan Pertandingan Pidato 1Malaysia |  TLDM anjur Program Interaksi sempena Hari Ulang Tahun ke-84 |  Bayi baru lahir ditemukan di pintu pagar masjid |  APMM pintas 12 PATI di perairan Kinabutan |  Mansuh GST akan buat defisit fiskal meningkat: Madius |  Rozman yakin BN Labuan kekalkan momentum menangi PRU14 |  Mahkamah tolak saman minta PM bentang persempadanan semula di Sabah |  Najib peraku hak Sabah dilaksanakan, kata Zahid |  BN akan terus bangunkan Sabah dan Sarawak |  Kedah unseat Junior Rhinos |  Setback for Sabah Rhinos |  K2 and Tritonic for Borneo Marathon | 
 Kadazan Dusun

APM Sabah nokotoimo kotos ponoguvang kaantakan koubakan sandad pogun kigatang RM4 lizong

150617_asset
Sukarti maso mikinongou kointahangan kokomoi padau togumu guno kavo Amphibious i miho gunoon id dinda om daat.

15th June, 2017

Di MARRYAN RAZAN marryan@newsabahtimes.com.my

KOTA KINABALU: Nokotoimo o Tinimungan Koumohigan Malaysia (APM) pogun Sabah do aset toi kotos kavavagu, himo tinan lori himo tan om iso padau togumu guno kavo Amphibious Sealegs, kigatang kiikila RM4 lizong.

Minoboos i Monunuat Kopolintaan Pogun Sabah, isido ponogi i Poniikon Tinankuasa Ponguhudan Koumbakon Sandad pogun Sabah, Tan Sri Sukarti Wakiman, do pomo’uang kotos di kivaa poinsandad diho kahansanan kaanu popoingkavas po vagu koimauan om mobility kalaja om nogi ponguhudan koumbakon sandad pogun APM id pogun Sabah diti.

Minoboos isido do pimpaagatan montok momo’uang kotos diho nopo nga sabaagi kotoundaan tosikap do bogizan JPBN tumoguvang nunu noopo kaantakan di au pobpiumanan.

“Ahansan tokou do miampai kivaa kotos om logistic miaga diho pinagon om kavavagu diti, kaanu manakadai boogizan do APM Sabah, hobi no do JPBN Sabah id kalaja ngaavi manampasi om monoina koumbakon sandad pogun,” ka disido.

Noboos disido iti ontok kopoihaan abal di kahapas pinopoimagon Abaabazan Kapataakan Padsakazan Operasi om Logistik Bencana kuminaa do Tinimungan Koumohigan Tuhun Ginumuan Malaysia pogun Sabah, id natadon do Hintuun Cancelor Universiti Malaysia (UMS), doiti di koniab.

Minoboos i Sukarti do savi avi kotos diho pinotikid kuminaa diho uvang, iho nopo nga Kota Kinabalu, Kudat, Beaufort, Keningau om Tawau, naamot do padau nopo nga pinoizon id Beaufort montok ponoguvang nunu noopo kaantakan koumbakon sandad hobi no do hizud i tomoimo aantakan do tikid toun.

   
Email Print
   
 
 
E-browse