Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Io’ Keewon dii Carl mongunsikou nakaanu kosiwatan |  Keewon dan Carl syukuri peluang persembahan di Mrs Borneo Queen 2018 |  Keningau tuan rumah pelancaran Kaamatan Peringkat Negeri: Pairin |  Graduan UMSKAL johan Pertandingan Pidato 1Malaysia |  TLDM anjur Program Interaksi sempena Hari Ulang Tahun ke-84 |  Bayi baru lahir ditemukan di pintu pagar masjid |  APMM pintas 12 PATI di perairan Kinabutan |  Mansuh GST akan buat defisit fiskal meningkat: Madius |  Rozman yakin BN Labuan kekalkan momentum menangi PRU14 |  Mahkamah tolak saman minta PM bentang persempadanan semula di Sabah |  Najib peraku hak Sabah dilaksanakan, kata Zahid |  BN akan terus bangunkan Sabah dan Sarawak |  Kedah unseat Junior Rhinos |  Setback for Sabah Rhinos |  K2 and Tritonic for Borneo Marathon | 
 Kadazan Dusun

Pensyarah FPP UMS pinopokito naangayan kopoondos id Bundu MTB Race 2017

20th May, 2017

Di JOANES ROBERT JOHNNY

KUALA PENYU: Kopihondot di abaabayan Jelajah Kasih Puru Parlimen Beaufort i pinaanjur di Koisaan Mimbosikol Watas Beaufort di kawaawagu diti, duo tutumanud mantad Fakulti Psikologi om Balajaran (FPP), Univositi Malaysia Sabah (UMS) nga’ nakapaatod kotonudan.

Yolo’ i po nogi’ mongingia’ Sains Sipoot FPP UMS nopo dilo’ nga’ io Kol. (PA) Dr Mohamad Nizam Nazarudin om i Stephanie Chok.

Pialaan kisinodu’ 36 kilometer dilo’ kopokito kinotonudan soginumu’ lobi 300 tutumanud i kapaampai po nogi’ piipiro tutumanud mantad Sarawak om Brunei.

Waya’an diolo’ kapaampai po nogi’ talun-alun tagayo, id tiisan rahat om nogi’ waya’an ponong talun i kinuluhon toi ongotidong.

I Kol. (PA) Dr Mohamad Nizam Nazarudin nakalantoi do suminiliu sabaagi bontugan id bohogian Veteran Kusai miampai kinoponuratan timpu 1 jam 17 minit 26 saat.

Naamot dilo’, songulun po mongingia’ FPP UMS, i Stephanie Chok nakaanu tutungkap id tukad koduo montok bohogian Poingukab Koonduan.

“Kounsikahan kuminaa mangaanganjur mantad Koisaan Mimbosikol Watas Beaufort om kumaa di Puru Parlimen tokou i nakasaga’ do minonokodung abaabayan diti,” ka di Dr. Nizam.

Naamot dilo’, lumansan po nogi’ i Stephanie kuminaa mangaanganjur do kaanu monilombus kopoonjuran abaabaayan dilo’ loolobi no id watas Kuala Penyu i kiharo waya’an di tongosonong om bobos koimbayat.

“Pounsikou kumaa mangaanganjur tu pinpaharo abaabayan pialaan miagal diti i tantu’ nopo do kaanu mongimbulai kabaalon wagu id sipoot mimbosikol mantad pogun diti om watas Beaufort,” ka disio.

Koinsanai di tongo’ tutungkap dilo’ pinaramit di Kumoduo Montiri Kopotundaan Koonduan, Paganakan om Mogiigiyon, i Datuk Azizah Mohd Dun.

Siam bohogian i pinogialaan id poompus abaabayan dilo’ nopo nga’ kaampai no do bohogian Men Junior, Men Elite, Men Master A , Men Master B, Men Veteran, Men Otai, Women Junior, Women Open om Fat Bike.

Tutungkap koimbayat kuminaa koinsanai tutumanud kaampai no do tusin pinosodia’ kumaa i nangkalantoi. Bontugan minonorimo RM 500, naamot timbang bontugan kaanu RM 300 om id tukad kotolu minonorimo RM 200, om id tukad kaapat gisom kohopod kotorimo RM 70.

Suai mantad tusin, oinsanan tutumanud nakaanu po nogi’ medal, om posokoton id poompus pialaan nokomoi.

   
Email Print
   
 
 
E-browse