Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
AADK Sandakan bincang usaha berterusan bantu OKP |  AADK Labuan tahan empat lelaki disyaki positif dadah |  Lelaki dipenjara 11 bulan, denda RM4,500 miliki MyKad palsu |  Kebakaran: Lima keluarga tinggal sehelai sepinggang |  Dua wanita, seorang lelaki dihukum penjara guna kad pengenalan palsu |  Karnival Usahawan Belia Ranau 25-27 Ogos depan |  Jabatan Arkib Negeri akan anjur pameran 24-31 Ogos ini |  TEDX beri peluang suarakan pandangan, idea |  Program Kembara Kerjaya Kebangsaan tawar 4,753 jawatan kosong |  AADK Lahad Datu tekad banteras salah guna dadah |  Christian hopes teammates can further raise their game |  Fathin ready to spring surprise |  Fake identity lands man in jail |  Woman gets 30 months’ jail for having fake IC |  Two Philippines nationals jailed for possessing fake MyKad, MyPR | 
 Kadazan Dusun

Siam NGO miniamung pinapaanjur Tadau Kokotuan montok ‘saudara baru’

20th May, 2017

Di JOANES ROBERT JOHNNY joanes@newsabahtimes.com.my

TAMPARULI: Montok di kumoinsan, siam kotinanan okon doun porinta’ (NGO) minogiamung do minangaramai kiikiro 400 ‘saudara baru’ Kadazandusun mantad watas diti, Tuaran om Kiulu miampai pinapaharo Karamaian Tadau Kokotuan doid Lintuhun Tun Hamdan, hiti di kaawagu diti.

Kotinanan dilo’ nopo nga’ kaampai no Penaja Momogun Muslim Malaysia, Hidayah Centre, Yayasan Islam Sabah, Pertubuhan Kebajikan Saudara Kita, Pertubuhan IKRAM

Malaysia, Rakan Hidayah Tamparuli, Koisaan Siswazah Sabah, Surau Darul Fikir Telibong om Golden Buffalo Entreprise.

Tumanud di Ponorikohon Mangaanganjur, i Laura Firanty Elun, raaramit dilo’ minaganu timpu id saalom no tadau do minamalan miampai tintob pabalanjaan lobi RM15, 000.

“Rikoton tokou nopo di timpuunon po nga’ soginumu’ 300 tulun mantad ‘tompinai wagu’, nga’ i nopo nokorikot nga’ lobi 400 mantad watas Tamparuli, Tuaran om Kiulu, haro po nogi’ i nokotindapou mantad Menggatal.

“Id abaabayan dilo’, kiginumu’ 30 asnaf tompinai wagu minoonorimo toluod wagas mantad mangaanganjur,” ka disio.

Wokon mantad abaabayan ponuangan id poompus ramai dilo’ nopo nga’ pialaan sokoton doun koubasanan tangaanak, pialaan sugandoi, pialaan takanon doun koubasanan om gaa’ kinorikatan bobos togumu’.

Ka di Laura, i nakalantoi nopo do gaa’ kampung i nakapaatod mogiigiyon bobos togumu’ nopo nga’ mantad Kampung Bantayan i popokito soginumu’ 38 tulun, nakaanu tusin RM300.

Gaa’ ‘kotigagan’ sabaagi do raja nopo nga’ nalantoi di Khairuddin Elson Elun mantad Kampung Tambalugu, Tuaran. Naamot id pialaan tonsokon koubasanan nopo nalantoi di Fatimah Insui mantad Kampung Panjut miampai minomogowit tutungkap tusin RM100.

Id pialaan Sugandoi, bontugan nalantoi di Sahimah Jahirin, id tukad koduo i Hanikah om i Saipah Kion Hamzah nakaanu tutungkap id tukad kotolu.

Kopiromut dilo’, minongunsikou isio kuminaa koinsanai di nokorikot om minonokodung abaabayan dilo’ i kopongukab mato koinsanai i nokorikoy, sundung pia do ogumu’ tulun mantad tinaru Kadazandusun babaino’ nokosuang no id ugama’ Islam, nga’ kakal po yolo’ do milo mamaramit abaabayan doun koubasanan dilo’.

   
Email Print
   
 
 
E-browse