Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Boatmen nabbed on molest charges |  Teen reported missing found electrocuted |  Census on stateless, undocumented individuals |  PM:    Najib's 'I don't know about 1MDB' lame excuse |  Sabah captain Rawilson set for first national cap |  Nine top MTJA juniors for tournament |  Moves to protect marine resources |  MAWILLA 2 poundohion kumaa hongkod kavavagu |  Iso uvang, iso pomounan: Madius |  SONGKOSUVAZAN MINONINDUO MOGIIGIZON HAMIN DI SINUANG |  Up to 40 pct off with MAS’s Mid-Year Deals |  Aidi ziarah Rumah WargaTua Prichard, Hospital Papar |  Wakil rakyat lapor SPRM, dakwa ada monopoli dalam pembekalan ubat |  Kiulu destinasi lawatan wajib, sasar 1 juta pelancong menjelang 2025 |  Stephen minta PBT percepat bina Terminal Bas Bersepadu Sandakan | 
 Kadazan Dusun

JKDM nakahantoi minagaau tiinumon kaavuk kihoogo RM17,532

20th May, 2017

Di MARLINA MACPEE

LAHAD DATU: Koupisan Kastam Diraja Malaysia (JKDM) Lahad Datu nakahantoi minanahob ponginaman mogohimu sumuang tiinumon kaavuk au nabalazan sukai kumaa uvang diti kahapas nakapagaau 11,688 tin tiinumon kaavuk kingaan ‘Burge Meester’, i pisosoomo kihoogo RM17,532, id doiti di koniab.

Potunud Kastam Sabah, Dato’ Dr Hj Janathan Kandok minoboos, pinagaavan dino tinoodo asil mantad pinomolisaan di tinoodo kumaa iso lori i naatu saasabap no do au naanu minamagaga ontok umunduk nuhu id Talun-alun Silam, di kuang hobi jam ko 4 minsosodopon.

“Minaganu haang asil kopoihaan om pinomolisaan di tinoodo do tinimungan Kastam id tampat kinantakan kumaa suang lori dino noihaan ino momiangkat tiinumon kaavuk kingaan ‘Burge Meester’.

“Sundung i do ingkaa, ontok kinantakan aiso pinamagakaman tinoodo om boogizan dotokou maamaso abaa mongintutun sanganu lori nokogompit om nogi poompit pongindopuan i nasamanan id tampat kinantakan,” ka disido id suang iso kointahangan id doiti di songkoniab.

Ka di Jonathan, boogizan disido otumbazaan koponoizukan kiis diti aanu monguhan miampai tosisikap. “Saviavi eksibit noovit kumaa upis Kastam Lahad Datu om sumusuut kahantazan pinagaavan diti nakahantoi tokou minanampasi sukai kiginumu RM56,803.68.

“Kiis soizukon id siibo Seksyen 135 (1)(e) Akta Kastam 1967. Id nombo nung kogompit kahasaan noonombo tuhun adanda au okuang mantad 10 kolipat hoogo balang dino om au katahib 20 kolipat hoogo balang dino, toi ko danda kihinaid timpu au katahib tohu toun toi ko duuduvo dino,” ka disido.

   
Email Print
   
 
 
E-browse