Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Bumiputera urged to make all-out efforts in business |  PSA UMS Semarak Ramadan bersama anak yatim |  Pelaksanaan jelajah Ramadan Sivik Rohani Japen berjaya: Pengarah |  Pantau penggunaan elektrik musim perayaan ini: Bomba |  TM Sabah pasang tambahan 30,000 'home passes' khidmat Unifi |  PAWE Labuan bantu golongan memerlukan |  Jainab: Bangunan baharu Taman Didikan Kanak-kanak OKU dijangka siap Nov ini |  Pemilik tanah, struktur pohon beri kerjasama lancarkan naik taraf jalan dari Donggonggon |  ESSCOM BURU 18 INDIVIDU |  Dreaming the impossible dream |  Pertisa Arts Festival (Karts) 2017 replaces Kaamatan festival |  Special event for Buddhists next month |  Hard work for two Ramadan stall operators |  Deal with household appliances carefully |  Police: Vigilance maintained in Sabah's waters despite holiday | 
 Kadazan Dusun

Tinonggungan om kinolubukan PDRM toririmo poingginawo do rayat

20th April, 2017

Di JOANES ROBERT JOHNNY joanes@newsabahtimes.com.my

KOTA BELUD: Toluod om kolubukan Polis Diraja Malaysia (PDRM) pikiikiro do toriirimo kosokot id ginawo rayat. I Ponorikohon Kawasan Rukun Tetangga (KRT) Taman Nikmat, i Mahamudin Hj Md Onon, minoboros do, koinsanai toluod di bohogian PDRM id saalom do manantu’ kotingoligan suang pogun toriirimo id saalom koyuon pointantu’ pikiikiro do poingopi’ id ginawo rayat.

“Kosudong miampai tema suai ‘Tadau Pulis Pogun’ Ko-210 toun diti i kituni ‘Pulis Om Mogiigiyon Amu Milo Do Piadaon’ somimang do kosudong miampai tinonggungan om koburuon diolo’ kumaa mogiigiyon solinaid diti, ” ka di Mahamudin.

Minoboros isio dilo’ id iso’ pialaan piombolutan sipoot buul tapap miampai tinimungan PDRM doid kuut buul tapap IPD Kota Belud, dodoroa hiti di kawawagu.

Ka disio, tinimungan mantad KRT Taman Nikmat naalap doid IPD Kota Belud id kopihondot Tadau Pulis Ko-210.

“KRT Taman Nikmat om IPD Kota Belud diti sotopot nopo kopio nga’ alaid no do nosiliu sabaagi iso’ paganakan di tagayo tu’ asaru’ no do papaharo pogisosokodungan miagal diti,” ka disio.

Iti ka disio sabap no do mantad po di kinoponuridangan KRT id Taman Nikmat, kopomosalahan toi kobolingkahangan miagal haro angatagakan toi apanakahan nga’ asanang do maan salasaiyo’.

“Puru’ Skim Rondaan Sukarela (SRS) nga’ asaru’ do bakawal montok manantu’ do kotingoligan om kotoronongan mogiigiyon pointantu’.

Nga’, ka disio, amu’ ogonop ilo’ nung aiso’ kouhupan toi kosokodungan mantad IPD Kota Belud.

“PDRM doid watas diti somimang no do kosudong do onuan kapamarayahan sabap do toriirimo minggisom nunu nopo id saalom monguhup mogiigiyon montok manantu’ diolo’ id koyuon di ongotoronong om otingolig.

Naamot dilo’, i mongongobi’ IPD Kota Belud, i OCPD Zaidi Bin Abdullah, minoboros do kotoronongan om kotingoligan id saalom watas diti sotopot do nosiliu sabaagi koutamaan montok IPD Kota Belud.

Minokianu po nogi’ isio kuminaa mogiigiyon nokoiyonon montok toriirimo manahak sokodung toi kouhupan kumaa PDRM id saalom moningolig watas diti.

Tumanud disio, hontolon nopo kinapaharaan abaabayan pialaan piombolutan dilo’ nga’ montok monginggirot piombolutan om piromutan id nayatan koduo-duo bohogian nokomoi.

Nokotindapou po nogi’ id pialaan piombolutan dilo’ io ASP Shariff Bin Jairiee, Insp. Farrid Bin Abd. Rahman, Insp. U. Kasyah B Hasyim, luguan tinimungan IPD i Sjn. D.Zauyzan B. Md. Din, Momuruan Penyelaras Jiran Muda KRT Taman Nikmat i Abel Bin Mustapha, om i Ponorikohon Usia Emas i Jefry Lee.

   
Email Print
   
 
 
E-browse