Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
PBS minonoodo luputan pulis kogompit totondos huminabus BN |  Poinsanganu himo pindulu poimpasi, duvo PATI tinaan do ESScom |  Dua warga asing ditahan bawa lima peluru hidup |  RM30 ribu peruntukan pengelolaan program Rela |  Umno bahagian Semporna tidak gentar hadapi persaingan, kata Nasir |  Rozman dicalon semula pertahan kerusi Labuan |  Pelbagai aktiviti kebudayaan Murut pada Pesta Kalimaran akan datang |  Malaysia-Singapore ‘Shinkansen’ possibility excites world rail body |  Hat-trick by Universiti Malaysia Sabah |  Count Back win for Ana-Thomas |  Great escape by U-19 squad |  Foreign duo detained for possessing live ammunition |  Perodua Alza burnt after rear-end collision |  Hemophilia: Be discerning with Internet medical advice |  Masidi: Military tourism next for KK | 
 Kadazan Dusun

Aiso’ kiis kopogompit militan id watas Tisan Kosilahon pointonod id wulan Koiso’ toun diti

1904_atb_1
SUMINASI’ .... I Zarondin (tanga’) suminasi’ dio’ Mohd Halimin dii Munraj suminain dokumen om nogi’ pinialanan karaja’.

20th April, 2017

Di NAZRINI BADARUN nazrini@newsabahtimes.com.my

TAWAU: Tinimungan ‘Tugas Bersama 2’ (ATB 2) amu’ nokokito do nunu-nunu koyuon kopomusalaan militan suminuang doid Tisan Kosilahon, Sabah pointonod di wulan Koiso’ toun diti gisom di songkoniihab.

I Komander ATB 2, Brigadier Jeneral Zarondin Md Amin minoboros, po’ompus timpu dil’ nokopomorisa’ yolo’ do 1,891 tulun om 487 tinan buut.

Ka disio, soginumu’ do 53 tulun di natahan ilo’ nopo nga’ 43 tulun kopogompit kasalaan imigrisin, onom (kopomusalaan komosil om kositum) om apat i suai minanahub porinta’ berkurung.

“Koumoligan id kowoigan tonggungan dahai do babaino’ diti id koyuon di pointamong om poumolig mimpau nodi kino’aisoon do kinoponugkuan sundung haro kinopomogombitan do tulun songkosuayan aiso’ kasagaan (PATI),” ka disio.

Minoboros isio dilo’ soira’ rinubaan katalib Ababayan Minamaramit Karaja’ Luguan Sitaf Markas Angkatan Tugas Bersama 2 (MATB 2) id Kiim Kukusan, di konihab.

Poingkuro po pinosotol disio do karaja’ kapanamangan id watas kowoigan pogun toririmo ingkawasan nosusuhut di koyuuyuon okusut id Koributan, Filipina do babaino’ diti.

Ka di Zarondin, bohogian disio toririmo maganu laang tokodou kohondot di kopomusalaan kopogompit magkakaraat, sumusugku’ militan, kopomusalaan dadah om sinjata’apui.

“Asansagan yahai do kumaraja’ lobi kagaras doid kowoigan dati’ mantad osuang di tongo’ momumusala’ mantad sombol pogun om babaino’ diti minggisom tokou momoguno kogoogonopan om kapanamangan mantad tawas sabab do lobi osikap,” ka disio kawagu.

Minongomi kotilombus, ka disio ahal PATI i naantakan id watas Tisan Kosilahon Sabah do babaino’ diti nga’ amu’ nogi’ koronob kopio tumanud nodi kinopomogombitan.

“Tumanud di pinomogombitan PATI di nowonsoi, yolo’ nopo nga’ haro koobpinoian di mogigiyon do hiti om nogi’ momoguno kowoigan montok popoindalan piindopuan ‘barter trade’,” ka disio.

Nokopogulu suminasi’ isio do pinghuyudan piniromitan karaja’ Luguan Sitaf MATB 2 id pialatan dio’ Kolonel Mohd Halimin Pandi dii Kolonel Munraj a/l Jughtar Singh i minongolon disio doid Kiim Kukusan.

   
Email Print
   
 
 
E-browse