Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Three men held in house-breaking probe |  Sixty pct of PH manifesto promises fulfilled, says Lim |  Syarikat Pulau Buta Eco Tourism terima Pengiktirafan MaTEx |  KK boys on course to retain hockey gold |  Sports Development Blueprint next year |  TAED, a threat to Sabah’s iconic beach: Landscape architect |  Songulun kawagu nogompitan kinoligaganan id New Zealand noiduan ginawo di konihab |  Tolu kusai ginambit montok kasalaan minonoruang walai |  JBorneo 2019 mission accomplished |  Ziarah Ukhuwah RAY Tambunan ke Brunei Darussalam |  Bersatu cawangan Bangka Bangka jalin kerjasama dalam program Back To School |  200 pelajar dalam DUN Karanaan terima bantuan awal persekolahan |  Pejabat MOTAC dan Muzium Marin Labuan bakal ditutup? |  Bayi tiga bulan dari Tuaran dijangkiti virus polio |  Tiga pelancong China antara terlibat Program Voluntourism Underwater Cleanup di Pulau Bum-Bum | 
 Kadazan Dusun

Tobisa manahak gaa’ takawas montok lalansanon Tobilung

19th April, 2017

KOTA BELUD: Mogiigiyon Tobilung manahak gaa’ toi pongundadait lalansanon bobos takawas om sabaagi kopokitanan pisompuruan i roitan do ‘Tumpu’, naamot ababayan Meelang (mogirurungak makan) id potitikid ramai pisasawaan maan patatapo’.

Koposilihan do Tumpu dilo’ poindalanon do Bobolian buruanan do ‘Ginggiyan’ om ‘Tindiyan’ id iso’ ababayan pinotomod.

Atag kokomoi ahal dilo’ sinokodung poinponu’ di tongo’ mongongobi’ di ontok Mitingan Tagayo Mongongobi’ Tobisa (Koisaan Tobilung Bersatu Sabah) Ko-29 i nokoindalan doid Walai Koubasanan Tobilung do hiti.

Id mitingan tagayo po nogi dilo’, i porosidin koisaan dilo’, Muji N.C Ampau kakal mongigit karaja’ porosidin soira’ aiso’ pitondingan montok 2017-2020.

Aiso’ po nogi’ pinitondingan montok karaja’ Kumoduo Porosidin, poingigit di Jaiping Minsu om wookon di puru komitikuasa’ nopili’ nopo nga’ ii Timis Sambadi (Timbang Porosidin), Janes Kansirong (Mongunguhup Monunurat), Yompok Guntarak (Mongunguhup Monobubut), George Gembor (Mongunguhup Kopointalangan).

Wookon nopo nga’ ii Asmih Santaim, James Gantatak, Asbin Kansirong, Omar Gurisan, Naney Liman, Kidar Bailon om i Rusiah Salintap.

Id booboroson disio, ka di Muji mogiigiyon Tobilung kiguno sumanganu do ginawo di agayo, kipomusarahan posogulu om kikomilaan suai ko’ monginggirot pisompuruan om oondos do kointutunan tinaru diolo’.

“Piupakatan om piisaan do tinaru Dusun Tobilung id sahau koisaan diti kiguno miongoi di kinoburuon timpu,” ka disio i minoboros do koisaan dilo’ nakalantoi pinoposoliwan kamus id boros Tobilung.

“Ogumu’ po pinggisaman i maan tokou powonsoiyo’ do dumontol,” ka disio id mitingan dilo’ i notindapou po nogi’ di Puru Kuut Tobilung, Kelab Koonduan Tobilung om Koisaan Siswazah Tobilung om nogi’ Komulakan Tobilung.

Nunsub po nogi’ di Muji o tinaru dilo’ do tumabung id eko ponombuluyan sabab ogumu’ koiyonon di koimbayat om kikosiwatan do poburuon.

Suai mantad dilo’ ka disio, Tobisa tumilombus po nogi’ do popointutun tinaru dilo’ id nayatan pomogunan maya’ Pialaan Sayau Pomogunan pointonod di apat toun pogulu diti.

“Oondoso Tobisa sabab nosudong kumaa id Pialaan ‘Dance World Cup’ 2017 doid Jemran do wulan Ko’onom om Koturu’ toun diti montok kumoinggapat otuntud,” ka disio.

Tobisa intolu no ponongkiala’ id pialaan dilo’ ilo’ nopo nga’ id Portugal (2014), Romania (2015) om Jersey UK di toun nakatalib.

   
Email Print
   
 
 
E-browse