Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Fiesta Sehati RTM berlangsung pada 24 dan 25 Februari ini |  Hamidah Juara Pertandingan Akhir Radio Ok SandakanFm |  MQuit Masjid, program khas galak imam dan qariah bebas rokok |  Program Geografi UMS laksana CSR di Tamparuli |  Lelaki maut tertembak ketika memburu di ladang |  Kempen kesedaran merokok rangsang pengurangan perokok muda: Ismail |  Guru maut pertembungan dua kereta pacuan empat roda |  Pegawai Jabatan Air Negeri Sabah dibicara serentak |  Malam Santai Karyawan Seni berjaya himpun karyawan aktif |  MKN Sabah hantar balik 3,036 PATI sejak Januari |  Sabah sudah terima RM3.87b pelan pusingan ketiga RMK11 |  Jelius tinkers on winning strategy |  NCID seize 660gm syabu, two suspects arrested |  Water Dept scandal – March 20 decision on revisions |  One in five M’sians still lights up | 
 Kadazan Dusun

30 mokikinobos UMS nokotoimo Sakadai Balajalan YTAR

19th April, 2017

KOTA KINABALU: Soginumu 30 susumikul do Universiti Malaysia Sabah (UMS) minonoimo sakadai id kavo Sakadai Balajalan Yayasan Tunku Abdul Rahman (BPTAR) soginumu RM90,000 mantad Yayasan Tunku Abdul (YTAR).

Abaabazan kapataakan sakadai diho nopo nga pinotunui di Huguan Eksekutif YTAR, Jamhari Hasbullah kuminaa di Kumoduvo Timbang Canselor Ahal Susumikul om Alumni UMS, Profesor Madya Dr. Ismail Ali, nakaanjul id Café De Sireh, hinominon Canslori.

Minoboos i Jamhari, do sakadai diho pinoobi montok susumikul mantad sunsud paganakan di au songkuo koimauan montok momogonop kos kaganapan koposizon montok duvo semester ontok tumanud ponginobosan poimponu timpu ijazah sarjana muda id IPTA.

“YTAR kitoguvangan manakadai do susumikul ngaavi id 20 IPTA pototongkop Malaysia, kaampai no UMS mantad po di toun 2010,” ka disido.

Naamot diho, minoboos i Ismail do susumikul UMS nakaanu kounalan togumu mantad sakadai susumikul YTAR do tikid toun om otumbazaan do kosivatan diho manaak momentum i takavas kozo kumaa susumikul montok tumihombus mamagampot kahantazan.

“Susumikul di nokotoimo sakadai diti mositi momoguno titaak diti do tavavasi hobi no id pamalanan pomogunaan diho kumaa kaganapan koposizon ontok po’ompus id university,” ka disido.

Minobi nogi isido di Timbang Canselor UMS, Profesor Datuk Dr Mohd Harun Abdullah do pinopohombus pason ponongkotohuadan kumaa YTAR om otumbazaan do pisokodungan diho aanu tihombuson montok manakadai do susumikul ngaavi id UMS i momoguno dino.

   
Email Print
   
 
 
E-browse