Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
80 tuminanud pinialaan Sabah Motorcross Challenge 2017 |  Abaabazan MYTV om MOP kapanakadai do komuhakan id habus kakadazan: Kurup |  K'jaan terus sokong penganjuran Pesta Rakit |  Hubungan dua hala China-Malaysia bawa banyak pembangunan kepada Sabah: Liang |  Jerayawara #IDAREYOUChallenge2017 kini di Sabah |  LELAKI PERLU JALANI PEMERIKSAAN PAYUDARA |  World Wide Fund for Nature recognises Ayam Brand as a leader |  Sabah para athletes contribute nine golds |  Sabah out to spoil KL’s party |  Yayasan Inovasi Malaysia, Institute for Development Studies inks Creative Economy MoU |  Illegal immigrants nabbed in 4 areas |  Riverine communities must do more for their rivers |  DBKK seeks out City Friends |  Sabah benefits from strong M’sia-China ties |  Perkhidmatan feri Palawan-Kudat dijangka beroperasi hujung tahun | 
 Kadazan Dusun

Roadshow Yayasan Sabah Miampai Rayat 2017 kosiwatan mogiigiyon mongilo palan kopotundaan porinta’, ka di Musa

190417-musa-3a
OKITO Dilo’ i Musa ontok minongumbal iso’ mantad produk nokoiyonon i pinointutun doid watas pomiran id abaabayan nokomoi, naamot di tongo’ lalansanon suai poingontong.

19th April, 2017

Di JOANES ROBERT JOHNNY

TAMPARULI: Abaabayan Roadshow Yayasan Sabah Miampai Rayat 2017 kapanahak kosiwatan kumaa di tongo’ mogiigiyon montok mongilo nunu nopo palan kopotundaan porinta’ kumaa rayat.

I Boyoon Montiri Sabah, i Datuk Seri Musa Aman, minoboros do miampai kapaharaan abaabayan roadshow miampai rayat, kaanu po nogi’ do manahak timpu tosimbayan kumaa di tongo’ lalansanon montok monongkirurumo miampai rayat toi mogiigiyon nokoiyonon.

“Suai mantad di, miampai haro abaabayan miagal diti, mogiigiyon kaanu po nogi’ kasanangan lolobi no mokianu mogisusuai kointalangan maya’ do pomiran-pomiran miagal Institut Balajaran Takawas Porinta om Poriwit (IPTS/IPTA) om ogumu’ po kotinanan suai i pinaharo id poompus abaabayan nokomoi.

Minoboros isio dilo’ ontok minoimagon abaabayan Roadshow Yayasan Sabah Miampai Rayat Nayatan Zon Pantai Barat Selatan 2017 doid Lintuhun Tun Hamdan Tamparuli, hiti di konihab.

Ka disio, suai mantad ilo’, roadshow nokomoi pinaharo montok do manahak kointalangan poinponu’ kumaa rayat id kokomoi do Yayasan Sabah.

“Haro tulun i manahak kointalangan di amu’ otopot id hombo ka diolo’ Yayasan Sabah nopo diti amu’ no alaid do obingkarap om ogumu’ po boros i amu’ pointopot, nga’ montok nopo dati’, osonong nogi’ do ogumu’ kumaraja’ om okuri’ mimboros, aiso’ guno nung ogumu’ boros nga’ amu’ kumaraja’,” ka disio do pinoposotol.

Tumanud disio, babaino’ diti Yayasan Sabah kiharo aset kiikiro lobi RM14 Bilion om tusin kiginumu’ RM 420 riong, jadi, ponondosan do Yayasan Sabah babaino’ tenat toi sumakit sotopot do amu’ otopot.

“Amu’ tokou mimang rayat ngaawi’ do kaampawong om oudutan miampai di boros toi komi di tongo’ parti susumahap i koilo no papasasad do batos nga’ amu’ otuhuk,” ka disio.

Montok dilo’, minokianu po nogi’ isio kuminaa koinsanai mogiigiyon i nokorikot do amu’ kaampawong toi otumbayaan kumaa boros di tongo’ pembangkang, nga’ nunu i lobi kiguno amu’ yolo’ obolingot do momili isai i osonong kumaa diolo’.

Musa i po nogi’ Ponorikohon Kounsol Mongingigit Amanah Yayasan Sabah, minoboros do, kinoturidangan ogumu’ kotinanan om institusi id siriba’ YS miagal UCSF, KKYS, SICC om ogumu’ po longkod komilaan suai pointalang do koponoromin songkuro pinggisaman mitilombus Yayasan Sabah montok rayat Sabah.

Tumanud di Musa, Sabah haro ogumu’ lalansanon i babaino’ diti poingigit karaja’ takawas id saalom kalalansanon kabinet do porinta’, id Pisompuruan po tu ko’ porinta’ pogun id hombo ogumu’ mogisusuai pinggisaman pinaharo diolo’ maya’ komontirian sompopori montok kasanangan pogun diti.

Minamason po nogi’ isio kuminaa koinsanai lalansanon pogun montok ‘turun padang’ om rumuba’ di tongo’ rayat om mongilo sondiri’ nunu nopo kobolingkahangan rayat.

Nokotindapou po nogi’ io Potunud Yayasan Sabah, i Datuk Sapawi Ahmad, i Montiri Sains, Teknologi om Inovasi i po nogi’ Puru Parlimen Tuaran, i Datuk Seri Madius Tangau, i Montiri Koporintaan Nokoiyonon om Kopomuwalaiyon Sabah i po nogi’ Puru Lintuhun Koundangan Pogun (Adun) Sulaman, i Datuk Seri Hajiji Noor, i Montiri Kotombuluiyan, Koubasanan Om Sandad Posorili’ Sabah, i Datuk Seri Masidi Manjun, i Monuunurat Koporintaan Pogun i Tan Sri Sukarti Wakiman om i Adun Kiulu, i Datuk Joniston Bangkuai.

   
Email Print
   
 
 
E-browse