Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Pelbagai acara dipertandingan sempena penutupan Bulan Kemerdekaan SK Lingga Baru |  Jangkauan Seni Budaya Seni Berbahasa pamer bakat asli |  200 peserta Pedalaman Atas sertai Program Kem Diabetes, NBOS6 |  Permainan tekan dada diharam di sekolah |  Guna internet dapatkan maklumat kesihatan warga emas dikaji |  JBPM Labuan akan terus tingkat latihan kesiapsaigaan libatkan pelbagai agensi |  Tiga pemancing selamat berenang ke bagang ikan |  Tiada program E-Kad dilaksana di Sabah |  Peniaga muda perlu diberi sokongan berniaga di bazar |  SRS 1Malaysia mantapkan tahap keselamatan komuniti |  Rozman mahu kekerapan ganguan bekalan elektrik dan air dikurangkan |  Perancis akan bawa Festival Perancis di Sabah April 2018 |  Musa minta ahli Umno semua peringkat kukuh kerjasama |  Remaja dikhuatiri lemas, kereta dihanyut arus lebih 100 meter |  Kematian Ketua Abu Sayyaf diharap tamatkan penculikan | 
 Kadazan Dusun

Kopeks pinapabaagi dividen 15 piatus kuminaa hobi 800 puu

190417-lead-1a
Maznah om Umar pinopokito dividen 15 piatus Kopeks montok poboogizon kumaa puu. Okito nogi buzudan buuan suvai do kopolitif nokomoi.

19th April, 2017

Di MARRYAN RAZAN marryan@newsabahtimes.com.my

KOTA KINABALU: Koperasi Pekerja-Pekerja Kerajaan Sabah Berhad (Kopeks), pinapabaagi dividen soginumu 15 piatus kuminaa doid hobi 800 tuhun puu dino montok toun kousinan 2015.

Minoboos i Poniikon Kopeks, Datuk Hajah Maznah Haji Abdul Ghani do pambalazan dividen kumaa puu nokoinsavat hobi induvo kogumu mantad po di buu’ano do buuan kavavagu di toun 2009.

“Dividen di toun 2008 kivaa 4 piatus, 2009 gisom 2011 (7 piatus), toun 2012 (12 piatus) om toun 2013 gisom 2015 soginumu 15 piatus. Poingkuo po, montok toun 2016, maso iho maan audit om monoomo tokou do kakaal potindooi (15 piatus).

Puu kaanu dividen tounan, baino diti soginumu 15 paits montok toun kousinan 2015 soginumu RM657,278,” ka dosido di ontok abaabazan Kopomoiganan Pamaagizan Dividen Kopeks, id Hintuun Koupisan Kalaja Tagazo (JKR), doiti di koniab.

Abaabazan diho pinoimagon di Potunud Suruhanjya Koperasi Malaysia (SKM) Pogun Sabah i Omar Sarim Saidin. Minoboos i Maznah do Kopeks do baino diti id taang ko-23 id Ineks Koperasi Tavasi Kozo Malaysia. Mantad hobi 11,000 kopolitif. Nokoinsavat diho piongozon do id ko-23 di toun 2015, 2014 (id ko-37), 2013 (ko-50).

“Ontok toun 2013, Kopeks nga nadadi nogi do kopolitif ranking numbul koiso id Sabah om Kopolitif Tavasi Kozo id kategori kredit om kousinan id pogun diti,” ka dosido.

Minoboos zosido do Kopeks pinopoguhi yuran om saham soginumu Rm14 lizong mantad po di toun 2009 kuminaa puu di nokopinsin om tuminood.

“Tumimpuun ko 2 vuhan Kohimo diti, Pagahazan Panaandakan Kopeks ukabon mahik, iho nopo nga RM25,000 montok timpu 10 toun, mozo kumaa kahantazan tososondii. Pakej pagahasan panaandakan diti poingukab kumaa savi avi pakalaja polinta id Sabah i poingkalaja pointatap,” ka dosido.

Minoboos i Maznah do pagahasan Kopeks nakapanakadai ogumu puu montok mongoput hamin, mongumbasi hamin, mongumbasi kulita, balanja kalamazan pisasavaan, yuran sikul, yuran university do tanak ngaavi, pambalai kos pongusapan om insulans om ogumu po suvai.

Suvai diho ka dosido, Kopeks nga minanakadai nogi hobi 350 puu do minonguhan simbagat kousinan om mononduhi ikonomi om kotundunan paganakan mantad kobohingkaangan tutang tavagat toi tutang Along.

   
Email Print
   
 
 
E-browse