Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Ruth Gidion luahkan tangisan dalam lagu |  Sambutan ulang tahun ke-60 SMK Tawau hari ini |  Persidangan Antarabangsa Sains Marin dan Akuakultur (ICOMSA) 2018 |  Perubatan Tradisional dan Komplementari anjur taklimat percuma |  Masyarakat perlu lebih peka bantu perangi gejala penyalahgunaan dadah |  Dua masih hilang bot dinaiki karam di Sungai Besar Kalabakan |  MPS, Sabah Green Development kerjasama tingkat penambahbaikan fasiliti di lokasi pelancongan |  Pelajar bertempiaran bila dua blok bangunan SK Sentosa musnah |  Explosive Borneo Derby on the cards |  Over 80 kick boxers fighting for honours |  Jevinton wins Chairman Cup, RM20,000 prize money |  Sabah ready to make presence felt |  PMBS once again to hold state-level Pesta Gambus |  Helicopter Academy – No aircraft booked for elections |  MMEA helicopter pilots first batch to graduate from Academy | 
 Kadazan Dusun

KOPOLINTAAN TOMOIMO ASABI, MAGANU TAVAVAGAT DOID KOPOKIANUAN DO LAYAT SABAH

190417-lead-3a
Musa (id gibang) mokinongou kointahangan mantad di Upisol Uvang Ranau, Faimin Kamin, kokomoi ningkokoton do Husap Kinotuan Kundasang.

19th April, 2017

KUNDASANG: Kumaandak i Vozoon Montili Sabah, Datuk Seri Musa Aman doid mogiigizon Sabah do tumihombus sangavian do kopolintaan Barisan Nasional (BN) montok papaanjul nunu noopo pamalanan montok kotundaan pogun Sabah diti.

Tumanud disido, tomoimo o kopolintaan BN asabi om maganu tavavagat kumaa kogunaan om kopokianuan do layat montok mongiho kozo do Sabah kotihombus kobuu.

“Ada tokou do adadi kalavong toi katanud miampai paati gugumaga Ii kivaa buaan nouhau kuasa montok mingkakat mokipihi om nogi kinopononsohan kumaa paati di poguhu.

“Sabahik dino, mositi o layat tumihombus sangavian miampai do kopolintaan BN i kalati miampai kaandak do layat,” ka disido di ontok pinopohombus pason di ontok pinapaanjul kotombuhuzan tosuau id Tomu Uvang Rukun Tetangga (KRT) Kundasang, doiti di koniab.

Potindapou nogi i Montili Kotomhubuzan, Koubasanan om Sandad Posoihi Sabah, Datuk Seri Panglima Masidi Manjun, Puu Parlimen Ranau, Datuk Dr Ewon Ebin om i Puu Hintuun Koundangan Pogun (Adun) Kundasang Datuk Dr. Joachim Gunsalam.

Tumanud di Musa, paati gugumaga maganu noopo kosivatan momouvong do layat miampai popoduntak mogisuusuvai hundaat, kaampai no popoboos do Yayasan Sabah obingkalap.

“Savi avi diti hundaat di aiso sunsud tu Yayasan Sabah kivaa aset hobi RM41 bilion om kivaa kousinan soginumu RM420 lizong.

“Suvai diho, kivaa dotokou do university om nogi kolej om ogumu susumikul di nakaanu ponundunan mongoput balajalanan gisom id habus pogun…dadi poingkuo nodii izioho (buuan gugumaga) moboos do Yayasan Sabah maso aadan?,” ka disido.

Naamot diho, ahansan nogi i Musa do mogiigizon Kundasang do tomoimo mongiho kozo do uvang dino pointampasi om atamangan miampai avasi mantad ahal kabaakasan montok mamagazat hobi ginumu momimiombo.

“Kundasang nogi nga iso kinoizonon di noikot kohobizanan om nadadi vookon hongkod gondoon do tutumombuhui montok mikot id Sabah.

“Kivaa gagazat dino di kagazat miaga do Nuhu Nabahu (Kinabalu), koozuvo tavan di oongis om nogi ogumu tongokinotuan om kouvaan. Minggisom nogi o kopolintaan popoingkavas nunu noopo infratruktur montok kaandangan do momimiombo ngaavi i mikot do doiti,” ka disido. –Bernama

   
Email Print
   
 
 
E-browse