Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Pelbagai acara dipertandingan sempena penutupan Bulan Kemerdekaan SK Lingga Baru |  Jangkauan Seni Budaya Seni Berbahasa pamer bakat asli |  200 peserta Pedalaman Atas sertai Program Kem Diabetes, NBOS6 |  Permainan tekan dada diharam di sekolah |  Guna internet dapatkan maklumat kesihatan warga emas dikaji |  JBPM Labuan akan terus tingkat latihan kesiapsaigaan libatkan pelbagai agensi |  Tiga pemancing selamat berenang ke bagang ikan |  Tiada program E-Kad dilaksana di Sabah |  Peniaga muda perlu diberi sokongan berniaga di bazar |  SRS 1Malaysia mantapkan tahap keselamatan komuniti |  Rozman mahu kekerapan ganguan bekalan elektrik dan air dikurangkan |  Perancis akan bawa Festival Perancis di Sabah April 2018 |  Musa minta ahli Umno semua peringkat kukuh kerjasama |  Remaja dikhuatiri lemas, kereta dihanyut arus lebih 100 meter |  Kematian Ketua Abu Sayyaf diharap tamatkan penculikan | 
 Kadazan Dusun

Pensyarah PPP nakalantoi doid ababayan pinonongkusan Staf UMS 2017

18th April, 2017

Di JOANES ROBERT JOHNNY joanes@newsabahtimes.com.my

KOTA KINABALU: Ponongkusan Staf Univositi Malaysia Sabah (UMS) 2017 i pinaanjur montok dikumoinsan nogi’ di kawawagu diti popokito kinotonudan sosomok 100 tulun pakakaraja’ UMS i kaampai mantad mogisusuai umur. Tongkusan dilo’ miampai motto ‘Yuk Cergas, Staf Ceria’ dilo’ pinoimagon di Timbang Canselor UMS, i Prof. Datuk Dr. Mohd. Harun Abdullah.

Id panambarasan disio, pinoposotol i Dr. Mohd Harun do abaabayan ponongkusan miagal dilo’ toririmo do kaanu kosokodungan toponu’ mantad bohogian univositi montok manantu’ do koinsanai pakakaraja’ diolo’ toriirimo id koyuon di aparagat do monguyat tinana, om olidas.

Abaabayan koponguyatan tinan toi senam robik katalib dilo’ binuruan di songulun mantad suusuumikul Sains Sipoot UMS sabaagi do papalasu’ tinan pogulu do pinologos di Dr. Mohd Harun sondiri’.

Soginumu’ siam bohogian i pinointutun id kinopoonjuran dilo’ i kapaampai do bohogian Senior om Veteran montok kusai om koonduan.

Tinimungan mantad Fakulti Psikologi om Balajaran (FPP), i pinapaatod limo tulun mongingia’ do tumanud id abaabayan nokomoi sotopot wokon mantad i bobos nakalantoi id pialaan dilo’ soira’ piipiro diolo’ nokoindikau id bohogian takawas.

I Stephanie Chok i po nogi’ mongingia’ Sains Sipoot id FPP nakalantoi doid bohogian Veteran A Koonduan miampai ponongkusan kisinodu’ 4 Kilometer.

Isio (Stephanie) i po nogi’ bagas atlet Triathlon kabansaan om gisom baino’ kakal po do aparagat do tumanud pialaan mimbosikol om tumangkus doid mogisusuai nayatan.

Songulun po mongingia’ FPP, i Kolonel (PA) Dr Mohamad Nizam Nazarudin i tuminanud id tongkusan bohogian Veteran B Kusai nosiliu bontugan id bohogian nokomoi miampai kinoponuratan timpu 17.05minit.

Tumanud disio, pialaan dilo’ sotopot do iso’ mantad pingludaan disio montok tumimbaba’ Pialaan Powerman Siri Dunia, id hombo timpu nopo diti isio nopo dilo’ nga’ nosiliu no do songulun mantad 10 tutumanud bobos takawas doid saalom abaabayan sprint.

Id tukad koduo montok bohogian dilo’ nopo nalantoi di songulun po koombolutan sakaraja’ disio, i Dr Soon Singh i po nogi’ mongingia’ FPP miampai koposuratan timpu 20.03 minit.

Duo po mongingia’ FPP i Dr Peter Voo Su Kiong om i Dr Balan Rathakrisnan nga’ nakaanu po nogi’ id tukad ko 6 om ko 7 id saalom bohogian Veteran A.

Kinalantaiyon di tongo’ mongingia’ dilo’ nakaanu po nogi’ koponongkounsikahan mantad bohogian FPP montok mongingkawas sunduan id kotonudan mantad staf FPP suai ontok timpu-timpu dumontol.

   
Email Print
   
 
 
E-browse