Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Kinosompuruan Kor Kadet Polis kopokito kororohianon komulakan kumaa PDRM |  Kembara Kerjaya Sabah 2017 manaak kosivatan kumaa OKU mogium pakalajaan |  OKU turut dibantu dapatkan pekerjaan |  Empat rumah musnah dalam kebakaran di Pohon Batu |  GATA promosi Sipitang destinasi pelancongan |  Yeo: Pelan Induk Daya Saing untuk Bandaraya KK perlu ambil kira semua aspek |  YAYASAN MELAKA NAFI MILIKI 56 LOT TANAH DI SABAH |  Ayam Brand contributes to charitable homes |  Foremost Thailand dominate Asian Veteran Basketball Championship |  Police hulksters gunning for hat-trick |  Rhinos must buck up or face relegation |  Car thieves caught thanks to Facebook shares, public help |  Patients at Likas Hospital to enjoy new mini-library |  LDP calls on fed govt to further liberalise, abolish cabotage |  City Hall to ensure KK becomes highly competitive | 
 Kadazan Dusun

Tinankuasa Maganu Haang Uvang Tonini Sook monguhan ahal koumohigan om kabaakasan

180417-lead-4a
Kurup (id tanga) di ontok minoniikon pitimbungakan.

18th April, 2017

Di MARUTIN ANSIUNG

KENINGAU: Tuidongon o Tinankuasa Maganu Haang Uvang Tonini Sook, montok monguhan ahal koumohigan om kabaakasan Kakadazan Tonini om Tomu Sook.

Minoboos i Montili id Koupisan Huguan Montili, Tan Sri Joseph Kurup do tinankuasa diti kitoguvangan sabaagi popisamo kobohingkaangan di otoguvang om pobuuon iho kumaa do Kounsol Haang Uvang Keningau.

Noboos disido iti di kahapas minoniikon Pitimbungakan Popisamo Kabaakasan om Koumohigan Kakadazan Tonini om Tomu Sook i nakaanjul id Upis Uvang Tonini Sook, di koniab.

Ka disido, tinankuasa tonini diti mombii nomboo hivang kopoizonan do mongingindapu ngaavi di kogompit Tomu Sook montok mongiho kozo dioho do kaanu papapanau ponoinaan momohi papadagang miampai poimatu om aandang.

Ontok ponogi diho, minonuu i Panakadai Upisol Uvang Tonini Sook, Verus Malitam, do mooi o savi avi mongingindapu id Tomu Sook do tomoimo popoguhu kabaakasan ontok papapanau izioho ponoinaan momohi papadagang id hivang tomu nokomoi.

Minoboos i Kurup do maza tinankuasa diti, potitikid kobohingkaangan om nogi sogku do aanu ouhanan miampai ouhan, om miampai au potihombus, kapanakadai do mongingindapu popoingkavas kaanuan dioho.

Kurup, isido ponogi i Puu Parlimen Pensiangan, ahansan do ponuidongan tinankuasa tonini maganu haang uvang diti do kaanu nogi manakadai doid mongingindapu ngaavi popoingkavas pisompuuvan om pisokodungan id tatanga dioho.

Potindapou nogi ontok diho i Panakadai Upisol Uvang Tonini Sook Verus Malitam, Kumoduvo Polosidin PBRS i Arthur Joseph Kurup, Huguan Tinimungan Komuhakan PBRS i Matusin Bowie, Upisol FAMA Uvang i Abu Kassim Salim, huguan ngaavi koupisan, hahansanon koisaan dudumagang Bumiputer Keningau om nogi buuan ngavi mogiigizon posoihi.

   
Email Print
   
 
 
E-browse