Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
80 tuminanud pinialaan Sabah Motorcross Challenge 2017 |  Abaabazan MYTV om MOP kapanakadai do komuhakan id habus kakadazan: Kurup |  K'jaan terus sokong penganjuran Pesta Rakit |  Hubungan dua hala China-Malaysia bawa banyak pembangunan kepada Sabah: Liang |  Jerayawara #IDAREYOUChallenge2017 kini di Sabah |  LELAKI PERLU JALANI PEMERIKSAAN PAYUDARA |  World Wide Fund for Nature recognises Ayam Brand as a leader |  Sabah para athletes contribute nine golds |  Sabah out to spoil KL’s party |  Yayasan Inovasi Malaysia, Institute for Development Studies inks Creative Economy MoU |  Illegal immigrants nabbed in 4 areas |  Riverine communities must do more for their rivers |  DBKK seeks out City Friends |  Sabah benefits from strong M’sia-China ties |  Perkhidmatan feri Palawan-Kudat dijangka beroperasi hujung tahun | 
 Kadazan Dusun

Sukod wagu unsubon poposuul kolidasan tinan

130417ajkkk
OKITO iti tongo' susumikul i nakaampai doid ababayan dilo' minokinongou kopointalangan. Gambar siriba' wookon i pinapalantoi do ababayan nokomoi.

13th April, 2017

Di JOANES ROBERT JOHNNY joanes@newsabahtimes.com.my

TAMPARULI: Mogiigiyon kosuul no tinimungan komulakan unsubon do toriirimo manahak kopomodulionan kumaa kolidasan tinan diolo’.

I Monuunurat Tolisok kumaa di Montiri Sains Tiknologi om Inovasi Malaysia, i Jeffrey Teo, minoboros do, montok manantu’ tinan toriirimo olidas montok popoindalan karaja’ om tinonggungan kuminaa mogiigiyon om pogun, tinimungan komulakan pinosorou do toriirimo manamong kolidasan diolo’ miampai tumanud abaabayan di ongolidas om mongilag mantad nunu nopo koulalaho’ di tangaraat.

“Tinimungan komulakan kiguno do minsingubasanan kopoposion di olidas montok mongilag mantad nunu nopo tomporuruol miagal obesiti om diabetes id umur komulakan po,” ka disio.

Minoboros isio dilo’ ontok minoimagon Abaabayan Kopurimanan Kanser i pinaanjur di Komotikuasa Komogoton om Kotingoligan Kampung (JKKK) Kampung Molisau Tenghilan miampai kouhupan Koisaan Sukarelawan Kanser Sabah (PSKS), Koisaan Komulakan Suara Tenghilan (SUARA) om Panel Mononosihat Kolinik Kolidasan Kakaiyan Tenghilan (PPKK), id hombo minongobi’ isio di Montiri MOSTI, i Datuk Seri Madius Tangau.

Nakaampai po nogi’ io Lalansanon Kopotundaan Mogiigiyon (PPM) Tamparuli, i Datuk Jahid Jahim, om i Molohingon Kampung Molisau Tenghilan, i KK Robert Johnny Tunggale.

Ka disio, ahal i nosiliu sabaagi korosian babaino’ nopo nga’ soira’ do tinimungan komulakan amu’ nodi’ orohian do tumanud id abaabayan labus om lobi asanangan do tumimbaba’ miampai gajet toi smart phone sompopori.

“Kogumuan sakag wagu do baino’, kiumur kiikiro 30 toun nogi’ nga’ haro no tomporuruol miagal asawat raha’, kencing manis, obesiti om ogumu’ po suai, iti kopokito do komulakan wagu dilo’ amu’ nodi angaparagat om amu’ orohian miampai abaabayan id labus walai,” ka disio.

Montok dilo’, lumansan isio do maya’ id abaabayan miagal dilo’, gontob kopurimanan kumaa kanser id nayatan mogiigiyon amu’ mongintob umur lobi no da akawas.

Kopogulu, i Ponorikohon Manganganjur i po nogi’ Ponorikohon JKKK Kampung Molisau Tenghilan, i Albert Joseph, minoboros do, rikoton abaabayan dilo’ sotopot nopo kopio nga’ montok manantu’ rayat mantad mogisusuai lopisan kaanu do mamarati, momuriman om mongilo id kokomoi tanda’ tomporuruol kanser id timpu tososopung.

“Lobi kiguno nopo nga’ moi do i tongo’ tutumanud, lolobi no tinimungan komulakan lobi manahak kopomodulionan kumaa kolidasan tinan diolo’, om amu’ kaampawong miampai kopomosalahan dadah.

Albert i po nogi’ Ponorikohon SUARA minoboros do, okon ko’ iri no, bohogian porinta’ maya’ kotinanan i poinggompit nga’ kaanu po nogi’ do manahak kointalangan kumaa mogiigiyon id kokomoi Program Subsidi Manogram (PERCUMA) montok koonduan kiumur 40 poingkawas i pinosodia’ do porinta’.

Wokon mantad momoboros i minanahak do ceramah toi pogiilangan id kokomoi do Kanser kuminaa lobi 103 tulun mogiigiyon i nokotindapou nopo nga’ io Dr. Wilkins Lim om i Dr. Mohd. Hanafi Ramlee mantad Longkod Pongubatan Nuklear om Radioterapi, Hospital Koonduan om Tangaanak Likas, Kota Kinabalu.

Suai mantad dilo’, piipiro po pogiilangan i pinoindalan id poompus abaabayan dilo’ nopo nga’ panambarasan kotingoligan i kogompit do ‘Isu Sosial Remaja’ mantad mongongobi’ Polis Diraja Malaysia (PDRM) Raan IPD Tuaran, i ASP Wirawati Mohd. Ali om abaabayan komulakan ‘1MYC Tuaran’ di Upisor Komontirian Komulakan om Sipoot Sabah (KBSS) Watas Tuaran, i Eldridge Baxter Jilan i po nogi’ mongongobi’ Koupisan Komulakan om Sipoot (Pisompuruan) Watas Tuaran.

Nokotindapou po nogi’ io Prosidin Koisaan Sukarelawan Kanser Sabah (PSKS), i Lawrence Imui, Mongunguhup Upisor Komulakan om Sipoot (P) Bohogian Tisan Kotonoban, i Hamzah Mohd. Tahir, Ponorikohon JKKK Kampung Tenghilan, i Boe Sindolun, om i Monuunurat JKDB Kakadaiyan Tenghilan, i Lai Ah Ngan.

   
Email Print
   
 
 
E-browse