Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Sabah getting popular for incentive tourism - Liew |  Sabah to proceed with TAED and dam |  Peter wants Tambadau fans to be the 12th man |  SOSKK: Scrap the Tanjung Aru Eco Development (TAED) Project |  Four teens charged with murder of eatery owner |  Resort gives international boost to Sabah indigenous handicrafts |  Bagas PPD Ranau pinili mamaramit ‘Tokoh Guru’ |  Duvo mananakau i sumuang hamin nasagkom id Sandakan |  Komontilian Kohidasan pokionuon mongintong ahal koumohigan om kohidasan pakalaja |  Developing Sabah education system via federal and related agencies support |  Petronas Chemicals and Scomi to jointly develop, market chemical solutions |  DirectD launches Huawei purchase awareness campaign |  Lim: Inheritance tax will not be imposed in Budget 2020 |  Program kebudayaan mampu mantapkan perpaduan masyarakat |  Eddika juara Mr Kaamatan, Petra johan Unduk Ngadau anjuran Keningau Mall | 
 Kadazan Dusun

Rafli Suhaili nakapanahak ngaran tosonong kumaa Labuan id Para Powerlifting Sirkit 1 Kabansaan

25th March, 2017

Di JAINUDIN DJIMIN

LABUAN: Atlet Tulun Suai Kohimboguian (OKU) i Rafli Suhaili i nakalantoi midol amas id Pinialaan Para Powerlifting 2017 Sirkit 1 Kebangsaan okon nopo ko’ nokopowongi’ tiim Powerlifting Labuan nga nogi’ nokoposimbuat ngaran Labuan id sipoot dilo’ doid nayatan kabansaan.

Id pinialaan dilo’ i Rafli mantad Kampung Bebuloh do hiti nakalantoi do midol amas bohogian 59kg – 80kg miampai winagat nakakat soginumu’ do 66kg minangala’ di atlet mantad Negeri Sembilan Mohd Hafizuddin i nakaangkat no do 52kg montok midol pirok om i Abdul Hamid (Negeri Sembilan) 50kg, id tukad kotolu.

Pialaan onjuran do Kounsol Sipoot Negara miampai kosokodungan do Koisaan Para Powerlifting Malaysia (PPPM) om Milo sabaagi mananakadai, pinoindalan doid Longkod Kecemerlangan Sukan Paralimpik Kampung Pandan, Kuala Lumpur di tadau Minggu’ katatalib.

Kiginumu’ do 49 atlet kokusaian om koonduan mantad poliliput Malaysia nakaampai doid pinialaan dilo’, hinombo do Labuan pinapaatod do duo atlet (Rafli om i Cristal Vencent AK Boony) om songulun atlet koonduan i Yanti Aspar, tinanud di mononorina’ om momoluda’ i Haidar Hussien Mohd Rashid.

Kinalantaion di Rafli dilo’ nakapasaga’ po nogi’ dau nopili’ mongobi’ Malaysia, Ababayan Invasion Spirit In Motion (MISIM), iso’ ababayan ‘realiti’ TV siri ko 2 onjuran do Tune Talk.

Naamot dino, kinalantaion di Rafli id pinialaan dilo’ nosili koondosan do mogigiyon Kampung Bebuloh i pogulu diti mongiingikiro nopo dau kopomogonop do kotonudan.

Kinoulian di Rafli mantad longkod pogun di tadau Koduo katatalib sinuau miampai norikot rinamai id Tutubpoon Kapal Labuan di mogiigiyon kampung dau om nogi’ puru sipoot Para Powerlifting Labuan, kaampai no piipiro lalansanon nokoiyonon.

Suai mantad dilo’, hinuyud po nogi’ isio do mogiigiyon kampung soira’ nopo nokorikot id walai dau doid Kampung Bebuloh.

   
Email Print
   
 
 
E-browse