Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Sustainable global devt practice critical in becoming high-income nation |  ‘Battle of the Reds’ at Likas Stadium in November |  Phoong praises Special Olympics Sabah athletes |  Marine police detain 20 paperless individuals |  Kumpulan rock masih dirindui |  Two cousins out to preserve Dusun ethnic music |  Govt proposes additional budget for 2020 Visit Malaysia Year Campaign |  Face mask sales up significantly due to haze |  GES Global scholarship info day in Sandakan |  KPLB popointutun Hamin Sejahtera id MESEJ om Kampung Sejahtera |  PPM minanalob kipogowitan tontolu ponsu, tumau petrol |  Jamilah johan Pertandingan akhir Bintang Patriot Sandakanfm |  Gigi aset berharga dan istimewa kepada manusia: Munirah |  Wanita Palauh nyaris maut rempuh Myvi |  Kelab Lions Mandarin Labuan terima sumbangan projek House Of Love Lions | 
 Kadazan Dusun

UVANG HABUS KAKADAZAN KOTOIMO KAGANAPAN VAIG OM LOTILIK: MUSA

240317-lead-3c
Musa minonoimo tanda kaandaman mantad di James id lamai dino miampai nintangan do tombuhui ngaavi suvai.

24th March, 2017

Di ROZZALIN HASHIM rozzalinhashim@yahoo.com.my

BELURAN: Vozoon Montili Sabah, Datuk Seri Musa Haji Aman pinopoiho uvang habus kakadazan id uvang diti kaampai no uvang tosodu id sokid kotoimo kaganapan vaig om lotilik kuang hobi 80 piatus au nodii ahaid.

Minoboos kuminaa magaganu abal id suang iso pitimbungakan media kopiondot kotombuhuzan kalaja id Beluran id doiti, di koniab pinopoiho isido do asil pongintangan om pilotian di tinaak sohinaid diti montok mongintong layat atamangan.

Kogompit miampai dino, mamason isido kounsikaan hoohobi no kozo Panakadai Montili Kousinan Pogun nogi Adun Labuk, Datuk Seri Michael Asang om Adun Sugut, Datuk James Ratib i tomoimo abaa id suang mongintong kotundaan kopoguhu miaga do talun-alun, vaig om lotilik kumaa uvang dioho.

Vozoon Montili nga mokianu mooi montili ngaavi id nazatan hongkod tomoimo mituubung miampai buuan pogun mooi monguhan dioho mongintutun kozo potitikid kobohingkangan om kogunaan di momoguno pongintangan tosikap.

Tumanud disido, haang miaga dino apatut mooi pongkimamaan ngaavi popohuzung kotundaan popoompit uvang habus kakadazan kadampot ikoton.

“I kiguno tomoimo kivaa pilotian kavavagu dotokou vagu nogi kaanu tokou mongintutun kozo nuununu kogunaan… tomoimo tokou manaak kopoguhuanan miampai tumanud kohuzungan dioho.

“Abaabazan mindau padang di todoon dotokou diti okon ko saasabap pomihian nga ino nopo nga koubasanan potihombus mooi kaanu tokou kokitanan di hobi atahang kogompit onu nopo kotundaan id potitikid uvang pogun diti.

“Iti iso abaabazan di tavasi kozo om kikovosian tu kotombuhuzan ku nga naampazat upisol ngaavi polinta pogun om hongkod kaampai no Montili om Panakadai Montili dino,” ka disido.

Pinopointahang poingonop, asantaban ginavo disido kumaa kotundaan id uvang diti mazaa bobooson kotundaan uvang i tinaak id lahan poinguhud popoompit Beluran om Telupid.

Ka disido, kotombuhuzan kalaja diti kiguno i kaanu nodii isido mongiho kapanadaan kotundaan i po toi tinoodo toi ko maamaso papanaon.

“Popotihombus zou abaabazan mindau padang kumaa pototongkop pogun diti miampai ampazaton tambahut ngaavi nuzudan kabinet mooi monguhan polinta montok mongiho hobi sinomok kogompit ktoundaan kopoguhu miaga do vaig, lotilik om talun-alun kaampai no balajalan.

“Iti nopo nga lahan dotokou i tomoimo koikot miampai mongintong kotundaan montok saviavi hoohobi no kozo layat di id habus kakadazan,” ka disido.

Ontok po nogi dino, minoboos i Musa bobooson di notoimo id lahan saviavi kaampai no nogi nangangazan balajalan tanak ngaavi id Beluran i nakaanu kapaasan tavasi id suang panaasan.

Minoboos isido, nangangazan i kopongunsikou diti iso tanda tavasi kumaa pongkimamaan ngaavi boogizan polinta i tomoimo maganu tavavagat balajalan susumikul kaampai no id habus kakadazan.

Ontok minamason id Lamai Buuan Miampai Layat i naazu id Anjjung Muara Beluran dino, mongunsub i Vozoon Montili mooi layat tuutulus manaak sokodung togiot kumaa polinta Barisan Nasional (BN) i tomoimo osianan mongintong panamangan layat.

Nokotindapou nogi id lamai dino Kumoduvo Vozoon Montili nogi Montili Kotundaan Pomouna, Datuk Seri Raymond Tan Shu Kiah, Montili Kotombuhuzan, Koubasanan om Sandad Posoihi, Datuk Seri Masidi Manjun, Montili Komuhakan om Sipoot, Datuk Tawfiq Abu Bakar Titingan, Montili Kalaja ngaavi Poimbida Datuk Teo Chee Kang om Montili Kotundaan Mogiigizon om Ahal Momoguno, Datuk Hajah Jainab Ahmad Ayid.

Nokosoguhu dino, Vozoon Montili noonuan bobooson kotundaan i pinohombus di Suhaili om Benedict id hinimput Mitingan Upis Uvang Beluran poguhui tuminombuhui tampat ngaavi kotundaan posoihi kakadazan hoohobi no kozo Upis Koponoinaan Umno kakadazan Beluran miampai Anjung Muara Beluran id kakadazan Beluran.

Pinopotunui nogi i Musa id lahan pokitanan kumaa mononoimo ngaavi Sakadai Layat 1Malaysia (BR1M) id lamai dino.

Naamot dino, minoboos i James boogizan Sedcovest minagavi RM20 lizong id uvang Sandakan montok abaabazan ngaavi kotundaan mongindapu mamasok kaampai no infrastruktur, pinghudaan om pinsingubasan mongindapu.

Ka disido, id pototongkop pogun kiginumu RM102 binalanja montok ponoodo kadai pongindopuan.

“Kadai diti nopo nga projik pisokodungan id piahatan kounsol uvang om Sedcovest id savat tana kiginazo 1 ekar Konsep louting katatadaai kavavagu om osuau, popotounda 6 unit gerai, iso lot kadai mogisusuvai, 10 unit Kiosk pongindopuan di pointatap,” ka di James.

“Premis ini merupakan projek usahasama di antara Majlis Daerah Dan Sedcovest diatas tanah seluas 1 ekar. Konsep bangunan rekabentuk moden dan mesra alam ini, menyediakan 6 unit gerai, satu lot kedai pelbagai, 10 unit Kiosk perniagaan berstruktur tetap,” kata James.

   
Email Print
   
 
 
E-browse