Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
E-Commerce penggerak ekonomi digital, kata Karen |  Lebih 2,000 warga Labuan sertai Program Pertanian Bandar |  Sambutan Hari Krismas di Padang Bandaran Sandakan 3 Disember |  140 warga kerja ESSCOM lafaz IBR |  Pertandingan Gasing Berlaga Uri dapat sambutan kalangan pelajar SK. Kawang |  PPM juragan, rampas 24 tong LPG dan 13 guni |  Lebih 700 murid Tabika Perpaduan Bandaraya KK, Penampang/Putatan terima sijil |  Sairin: Dianggarkan RM45j diperlukan perbaiki sungai di DUN Liawan |  Penanaman pisang secara komersil boleh beri pendapatan lumayan: Yahya |  UMS peruntuk RM99,000 bantuan kebajikan kepada 178 pelajar baharu B40 |  Kecuaian seorang pemandu nyaris membawa maut kepada pengguna lain |  Sabah golfers win in style |  Sabah rugger Nathanael receives Blue Award |  Treat awaits martial arts enthusiasts |  UMS students learn English the Fun-tastic way | 
 Kadazan Dusun

Konsep mitabang koposikap pongumbasian koumatan mogiigizon kampung: Ronald

210317-ron-5
Ronald, miampai di Samad, di ontok minumpazat do kalaja mitabang mongumbasi sunsuzon tohibon id Kg. Keramat, Beluran.

21st March, 2017

Di JAMES LEONG

BELURAN: Montok poposikap pongumbasian sunsuzon vazaan do mogiigizon id Kampung Keramat, kalaja pongumbasian dino pinaanjul maza konsep mitabang.

Tinoguvang iho do Upis Parlimen Beluran, miampai kalaja pongumbasian i kopogompit do mogiigizon kampung miampai do Sukarelawan Belia Beluran.

Minoboos i Puu Parlimen Beluran, Datuk Seri Dr Ronald Kiandee, do kalaja pongumbasian sunsuzon id Kampung Keramat, i noumbak diho kopogompit tinaviu 121 meter.

Ka disido, konsep kalaja mitabang gunoon montok papavasa do kalaja pongumbasian mongohon sunsuzon di noumbak id kampung nokomoi do aanu papanaon miampai osikap maza kopoobian do Upis Perlimen Beluran. Noboos disido iti kuminaa doid monunuat abal di ontok minooi intong kopoonjulan kalaja pongumbasian nokomoi di tadau Koonom nakatahib.

Potindapou nogi ontok diho i Huguan Komuhakan UMNO Beluran, Samad Jambri.

Ronald, isido ponogi i Kumoduvo Momumuntu Hintuun Layat, minoboos do konsep miaga diho nga papanaon nogi id kampung ngaavi suvai id posoihi Beluran montok pongumbasian tosikap do koumatan impoon, kaampai no talun alun om sunsuzon di noumbak.

Tumanud disido, pongumbasian tosikap do koumatan tuhun ginumuan nopo nga sabaagi ponginsomokan nanu do Barisan Nasional (BN) montok monguhan kobohingkaangan do layat.

Minoboos isido do konsep mitabang diho nga popoimbuhai nogi pisokodungan topiot id tatanga do mogiigizon kampung montok sangavian manaak sakadai kumaa mogiigizon kampung.

Ontok ponogi diho ka disido, sukarelawan id tatanga do komuhakan Beluran nga kaanu manaak sakadai dioho kumaa mogiigizon.

   
Email Print
   
 
 
E-browse