Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Ramai Magahau Zon Semenanjung nakaanu raramit di kounsub |  Kopomiaraan paha’ tantadan kopongingkawas nindopuan mogiigiyon labus kakadayan |  Makanan tradisi cermin identiti, kata Henry |  Zarondin: Sempadan perairan negara sentiasa diawasi |  Program Tugu Budaya Etnik Sabah dinaiktaraf |  International debut for Sabah gymnasts |  World Heart Day 12.5KM Charity Run on Oct 8 |  Over 1,800 to ‘Run For Peace’ in Sandakan |  Magahau festival well received in west Malaysia |  PCA hopes to get new building to meet service expansions |  Missing raw ingredients threaten local food preps |  Tun Juhar pays visit to Danawan Island ops base |  Sambutan Aidilfitri SK Sungai Lada meriah |  Penunggang motosikal maut dalam kemalangan |  PAS Sabah gesa kerajaan henti perkhidmatan syarikat urus bekalan elektrik kontrak di tiga kampung | 
 Kadazan Dusun

Songuhun kusai sinagkom pulis

21st March, 2017

Di MARUTIN ANSIUNG

KUDAT: Songuhun po vagu kusai Suluk kiumul 20 toun sinagkom do pulis tu minanakau amas id kadai amas, do doiti. Minoboos i Huguan Pulis Uvang Kudat, Suprintendan Douglas Nyeging Taong, do ontok di ko 17 vuhan Kotohu nakatahib, kuang hobi jaam ko 2.38 minsosodop id Syarikat Perniagaan Hing Wang Pekan Lama, do doiti, nikoton do songuhun kusai i kumaandak momohi aman id kadai di pinoposogku luputan.

Ka disido, pinoposogku o pakalaja dino do pinapahabus iso lanti hongon montok intanga do kusai nokomoi.

“Kusai dino minogovit minogidu do lantai hongon nokomoi do huminabus mantad kadai di pinoposogku luputan, om suminakai iso kulita Toyota Hilux Vigto, kisaat totomou kinumblul lijistol SK6468, om minongkoizus.

Minaganu haang mantad kopoihaan, ka di Douglas, ontok tadau ponogi dino, kuang hobi jaam ko 6.55 minsosodop, upisol om puu Boogizan Ponoizukan Kahasaan IPD Kudat, minanagkom do songuhun kusai id disan lahan id Kampung Rampai Selatan, Sikuati, somok doiti.

Pinopoiho kuminaa media, minoboos i Douglas do asil pinonontohan ponoizukan di ontok kasagkom, minangakun do minanakau iso gohong hongon id kadai amas Hing Wang Pekan Lama Kudat, miampai mininhahasu sabaagi momohi om pinadagang o gohong amas dino id iso kadai amas id Kota Marudu, miampai suminakai kulia kavo Toyota Hilux kisaat totomou kinumbul SK 6468.

Pinopoiho i Douglas do minaganu haang doid kointahagan di natantaman om pinomolisaan di pinapanau id iso Kadai Amas Fasa, DMD Building, Kota Marudu, om minaganu iso gohong hongon amas i tantaman dinagang di natantaman miampai gatang RM1,800.00.

Ka disido, sanganu kadai noihaan do pinapahabus risit montok pomohizan do gohong amas nokomoi om kivaa ngaan om numbul kad kointutunan di natantaman poinsuat id risit nokomoi.

Naanu nogi miampai do amas dino o iso kolokupan kingaan Nike, usin RM1,000, iso kulita Toyota Vigo kisaat totomou kunumbul lijistol SK 6468 miampai do kunsi kulita.

Tinaan i natantaman montok ponoizukan id siibo Seksyen 380 Kanun Koundosoan om soizukon nogi id siibo Sekyen 15(1)(c) Akta Dadah Kohigaganan 1952 tu positif dadah.

   
Email Print
   
 
 
E-browse