Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Duvo PATI tinaan do PPM tu au nakaanu pinopokito dokumen kointutunan sondiiv |  Pinggisoman, pisokodungan do mogisuusuvai boogizan kiguno montok momuginavo konsep Rukun Negara |  RM2.03 LIZONG SAKADAI POLINTA KUMAA KOISAAN MPMS: JAINAB |  PPM tahan dua lelaki, sita bot |  Penumpang maut van dinaiki terjunam dalam pembentung |  Kerajaan Pusat beri peruntukan RM2.03 juta kepada Pertubuhan Sukarela Kebajikan MPMS |  Umat Islam perlu kuasai ekonomi, miliki harta: KM |  EMPAT SENAPANG BUATAN SENDIRI, DADAH DIRAMPAS |  BNM Regional Office holds briefing on developments, outlook |  Guanius, Kona retain respective titles |  Brandon, Leviance win Men’s, Women’s Singles categories |  TM aims to attract over 1 mln Thai tourists to M’sia |  Man dies after vehicle plunges into sewage |  Association urges authority to resolve diesel shortage issue |  PTA donates RM78,000 to SM La Salle | 
 Kadazan Dusun

Lansanon mogiigiyon unsubon toririmo manamong kolidasan

20th March, 2017

Di JOANES ROBERT JOHNNY

TAMPARULI: Oinsanan lalansanon mogiigiyon unsubon do manamong kolidasan tinan montok kopoposion i lobi ounsikou om otoronong.

I Lalansanon Kopotundaan Mogiigiyon (PPM) Tamparuli, i Datuk Jahid Jahim, minoboros do, lalansanon mantad id nayatan kogomutan gisom id nayatan takawas kiguno do manamong kolidasan tinan diolo’ miampai popoindalan kopoposion i olidas.

“Nung olidas tinan tokou, kikogorisan tokou montok mongoi popoindalan nunu nopo i karajaon tokou montok rayat po tu ko’ montok paganakan, nga’ nung amu’ boboros tokou tulun om monusa’ tokou paganakan sondiri,” ka disio. Minoboros isio dilo’ ontok minoimagon abaabayan ‘Koponontudukan om Kopointutunan Kolidasan i pinaanjur di

Panel Monunuduk Kolidasan om Kolinik Kolidasan Tamparuli’ doid Lintuhun Komulakan, dodoros hiti di kawawagu. Ka disio, oinsanan lalansanon amu’ momuntuk do gontob nindikohon, balajaran om koyuon ikonomi kiguno do mongilo kokomoi do kolidasan.

“Kiguno tokou do mongilo di mogisusuai tomporuruol, nantadon om kapagantaban dilo’ mooi do kaanu popoilo di puru paganakan tokou,”.

Tumanud disio, nung oinsanan tulun momoduli’ kolidasan tulun di koupusan diolo’, tantu’ no do kiis kapataion mantad tomporuruol tagayo, nunu nopo ponit nga’ aanu monginsiriba’.

“Kapanamangan kolidasan nga’ kiguno nogi’ do podulion pointopot sabab kajamin po nogi’ ilo’ di kounsikahan do sosongulun, om kopotundaan do pogun nga’ osonong koindadalano’ nung ongolidas o rayat,”.

“Binsoroho’ pogi’ nung kogumuan di kitoruol dilo’ i kukumaraja’ tangabaal, kapataion diolo’ mantad toruol dilo’ i sapatut do aanu mongilag mantad tosopung kopomorugi’ nopo do pogun,” ka disio.

Pinoposotol isio kumaa di tongo’ sukod wagu do mositi’ nogi’ yolo do momoduli’ di kolidasan diolo’ sabab nung minsingubas no yolo’ do kararalano’ koposion olidas mantad tomulok nga’ oinsribaan o kopikikiraan oontok yolo’ do tomporuruol soira’ do kolohing.

Wokon nopo di pinosotol doid ababayan dilo’ nga’ kopongintoban BMI, pomorisaan gula, kolesterol, om panambarasan kolidasan.

Nokotindapou po nogi’ id abaabayan dilo’ io Ponorikohon Panel Monunuduk Kolidasan Tenghilan, i Albert Joseph, i Upisor Komulakan om Sipoot Tuaran, i Eldridge Baxter Jilan, i Mongunguhup Upisor Kopotundaan Watas (ADDO) Tamparuli, i Yabin Sinduman om sontob di tongo’ lalansanon mogiigiyon id pososorili’ watas Tamparuli om Tuaran.

   
Email Print
   
 
 
E-browse