Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Hari jadi Rosario dan Ronney Bikin Panas RBP disambut meriah |  Bom ikan: APMM tahan dua lelaki warga asing |  Lahir generasi celik al-Quran, hafiz dan hafizah dari awal, kata Arifin |  Polis tahan lelaki miliki syabu bernilai RM1,800 |  Polis serbu premis pemberi pinjaman wang tanpa lesen, lima suspek ditahan |  Penduduk Bombong sambut baik inisiatif pembangunan |  RCSC dijangka tingkatkan lagi hubungan M'sia, Russia |  Kerajaan Sabah beri jaminan pastikan kestabilan politik |  11 ditahan kerana terbabit dengan pengganas: KPN |  Jelius wary of Crocs backlash |  95 to participate in 50th MSS Athletics Championships |  Seniors add bite to State Juniors opener |  Malaysian, Indonesian & Bruneian poets win ASEAN poetry competition |  'Ops Vulture' uncovers Labuan’s first ‘ah long’ syndicate |  Public tip-off nets Beto the meth peddler | 
 Kadazan Dusun

Mogiigiyon minaganu laang mitatabang do minomonsoi sunsuiyon sondiri’

200317-jambatan-7
LAANG SONDIRI’ .... 12 tulun mogiigiyon dilo’ minogitatabang do minomonsoi sunsuiyon do naamot dilo’ i mumbal no do rumomuk.

20th March, 2017

Di JOANES ROBERT JOHNNY

TAMPARULI: Sontinimungan mogiigiyon doid Kampung Molisau Tenghilan, dodoros hiti, minaganu laang do minonginsonong sondiri’ iso’ jambatan sunsuiyon i nakalaid no i nosiliu sabaagi wayaan sumunsui kuminaa doid kawalaiyon piipiro paganakan, hiti di kawawagu diti.

Laang dilo’ naanu diolo’ montok mongilag mantad haro ahal i amu’ osonong do osiliu lolobi po koyuon jambatan dilo’ i nokito do nakalaid no om totopot momoguno koponginsonongan.

Tumanud di songulun mantad mogiigiyon i po nogi’ momoguno wayaan dilo’, i Dennis Jabberi, soginumu’ 12 mogiigiyon kaampai no piipiro komulakan tuminanud pitatabangan do minonginsonong sunsuiyon dilo’.

Ka di Dennis kaagu, potitikid do sumunsui id jambatan dilo’, ahal i bobos korosian diolo’ nopo nga’ ahal kotingoligan.

“Sorohon nopo nung sigog ka nga’ opuhut jambatan dilo’ gisom do haro tulun i kogompit koligaganan,” ka disio.

“Montok dilo’, alansan tokou da kumaa bohogian porinta’ kaanu do manahak poruntukan montok monuridong iso’ sunsuiyon wagu toi sokurang-kurang do kaanu monginsonong waya’an di tongo’ mogiigiyon diti,” ka disio.

Minokianu po nogi’ isio kuminaa bohogian Komitikuasa’ Komogoton om Kotingoligan Kampung (JKKK) do toriirimo no da do sumosodia’ toi momoduli’ kumaa ahal kogompit do kogunoon mogiigiyon, lolobi no i ahal kopogompit do kotingoligan.

“Pounsikou amu’ gigina’ kumaa oinsanan mogiigiyon i nakaampai do minonguhup id saalom karaja’ pitatabangan diti, moi da do kiguno no da iti karaja’ dahai diti montok timpu do naamot diti,” ka disio.

Naamot dilo’, i Ponorikohon JKKK Kampung Molisau, i Albert Joseph ontok rinomut di Monuunurat NST pinopoilo do ahal kogompit sunsuiyon dilo’ noowit no diolo’ id saalom mitingan JKKK om nokopokianu no kumaa porinta’ montok mokianu poruntukan koponginsonongan.

“Timpu diti magandad tokou po do waran poruntukan mantad bohogian kikuasa’ pogulu do maan poindalano’, sabaagi mongongobi’ JKKK mokiampun yahai sontob di koinggoritan i nopurimanan di piipiro paganakan i nongogompitan,” ka disio.

   
Email Print
   
 
 
E-browse