Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Fiesta Sehati RTM berlangsung pada 24 dan 25 Februari ini |  Hamidah Juara Pertandingan Akhir Radio Ok SandakanFm |  MQuit Masjid, program khas galak imam dan qariah bebas rokok |  Program Geografi UMS laksana CSR di Tamparuli |  Lelaki maut tertembak ketika memburu di ladang |  Kempen kesedaran merokok rangsang pengurangan perokok muda: Ismail |  Guru maut pertembungan dua kereta pacuan empat roda |  Pegawai Jabatan Air Negeri Sabah dibicara serentak |  Malam Santai Karyawan Seni berjaya himpun karyawan aktif |  MKN Sabah hantar balik 3,036 PATI sejak Januari |  Sabah sudah terima RM3.87b pelan pusingan ketiga RMK11 |  Jelius tinkers on winning strategy |  NCID seize 660gm syabu, two suspects arrested |  Water Dept scandal – March 20 decision on revisions |  One in five M’sians still lights up | 
 Kadazan Dusun

Tiim Akuatik Sabah kiangkab popowonsoi bobos tosonong

18th March, 2017

Di MARRYAN RAZAN marryan@newsabahtimes.com.my

KOTA KINABALU: Tiim Akuatik Sabah kiangkab popowonsoi di bobos tosonong id Pialaan Sipoot Akuatik Pogialatan Sikul-Sikul Malaysia 2017 i pohoroon do limo tadau pointonod do suab, id Melaka.

Montok monoguang do pialaan dilo’, tongo’ tutumanud minindalan pingludaan opidot solinaid apat tadau pointonod di ko 13tw Kotolu di katatalib doid Longkod Kulam Pinloyogan Kompleks Sipoot Likas.

Tiim lulumoyog siriba’ umur 12 toun (kokusaian) nopo nga’ ii Samuel Ng Chong Cheng, Loo Yie Ching, Jay Lo Vui Seng om i Leo Magus, naamot koonduan nopo nga’ ii Chu Xin Ying, Yong Xing Ru om i Jocelyn Low.

Montok tiim siriba’ umur 15 (kokusaian) nopo nga’ kapaampai dii Franklin Clement Patrick, Ben Yap Wai Hou om i Gerard Tsen Xiang Zhi. Koonduan nopo nga’ ii Yong Zi Yi, Cheng Ka Man, Janetty John Fabian, Lovell Wong Hsiao Thang.

Siriba’ Umur 18 kokusaian kapaampai dii Muhamad Yaaseen B Mohd Yunus, Wong Ven Chieh, Kuin Jiu Jun, Lo Jun Yi, (koonduan) io Lo Meng Sum dii Ilyani Shairah Mohd.

Tiim Tumorojok siriba’ umur 12 toun kokusaian kapaampai dii Marcel Vincent Voo, Shahrizal B Asir om i Carl Eddryson, naamot siriba’ umru 15 nopo nga’ i Julfaddli Jali.

Tonudon yolo’ di walu’ upisor om momoluda’ suai ko’ atanud di Upisor Palajaran Watas Kota Kinabalu i Umin Sadi, Ponorikohon Teknik Kopotundaan Sipoot Akuatik MSS Sabah i George Abun, Monorina’ Tiim i Dg Rosnizah Pg Jaafar om moomoluda’ i Codfrey Marcus.

Sabaagi momuruan kontinjen, i Umin minamason di tongo’ tutumanud do popoiliu sigompoton takawas montok mogowit kalantaion kumaa tiim Sabah.

“Kada’ kobinronok toi orosian do monongkisahap, koinsanai lulumoyog mositi’ popowonsoi di bobos tosonong,” ka disio minongunsub.

Naamot dino i George minonongkounsikou kuminaa molohing ngaawi’ atlet dilo’ i potiitilombus manahak sokodung diolo’ montok papatantu’ kalantaion di atlet ngaawi’.

“Kounsikohan nogi’ kumaa di Ivan Chu om i Christopher Yong i minanahak sokodung sunduan kumaa atlet ngaawi’ i mongobi’ tiim Sabah.

“Kalansanan ku atlet ngaawi’ kopokito do naangayan tosonong id pialaan dilo’ om potilombus dino kopuhu do midol,” ka disio.

   
Email Print
   
 
 
E-browse