Fb
Local
Business
Sports
Leisure
BM
Kadazan Dusun
EDUCATION
Archives
Latest News
 
Nst-studio
Io’ Keewon dii Carl mongunsikou nakaanu kosiwatan |  Keewon dan Carl syukuri peluang persembahan di Mrs Borneo Queen 2018 |  Keningau tuan rumah pelancaran Kaamatan Peringkat Negeri: Pairin |  Graduan UMSKAL johan Pertandingan Pidato 1Malaysia |  TLDM anjur Program Interaksi sempena Hari Ulang Tahun ke-84 |  Bayi baru lahir ditemukan di pintu pagar masjid |  APMM pintas 12 PATI di perairan Kinabutan |  Mansuh GST akan buat defisit fiskal meningkat: Madius |  Rozman yakin BN Labuan kekalkan momentum menangi PRU14 |  Mahkamah tolak saman minta PM bentang persempadanan semula di Sabah |  Najib peraku hak Sabah dilaksanakan, kata Zahid |  BN akan terus bangunkan Sabah dan Sarawak |  Kedah unseat Junior Rhinos |  Setback for Sabah Rhinos |  K2 and Tritonic for Borneo Marathon | 
 Kadazan Dusun

Mentari Tropika mogihum ‘popolombus’ ababayan telibisin, Warisan Borneo

18th March, 2017

Di RAPHIEL PINUS

YOLO’ i kikomilaan doid koponomborosan (pengacaraan), kosiwatan poukabon montok tumanud do poniisan komilaan (ujibakat) onjuran do Mentari Tropika (S) Sdn Bhd do suab, pointonod jaam ko 10 kosuabon gisom jaam ko’ 5 sodopon.

Tumanud di momolihis nointutunan i po nogi’ sanganu do Mentari Tropika i Abu Bakar Ellah @ Ampal, ujibakat dilo’ poindalanon doid Ampal Production, Lot 8, Tingkat 2, Putatan Point, Putatan doros Kota Kinabalu.

Id iso’ kopointalangan do hiti di konihab, ka disio uji bakat nokomoi kituduan mogihum do pengacara montok popolombus do ababayan posolimbahon disio, Warisan Borneo.

Pinointalang disio do Warisan Borneo nopo nga’ iso’ dokumentari 13 episod i posolimbahon doid RTM do toun diti. “Ababayan diti momoguno songulun pengacara i kitonggungan sabaagi humohombo do tumongkop doid 13 kinoiyonon au’ nakahabar (unsung place) doid poliliput pogun Sabah, Sarawak om nogi’ Watas Pisompuruan Labuan,” ka disio.

Kohondot dilo’ alapon disio yolo’ i kikorohian om kikabaahan, mooi ampai id ujibakat nokomoi miampai tumingan om mogowit sakaping gambar sondiri’.

‘Ujibakat diti poukabon kumaa kokusaian om koonduan kiumur 18 toun gisom 35 toun,” ka disio.

Kosiwatan popointanga’ kabaahan

Naamot dilo’ i Potunud Kotorinaan Mentari Tropika, Farrabe Abu Bakar minoboros do ujibakat nokomoi kituduan po nogi’ manahak kosiwatan kumaa wuros wagu popokito komilaan diolo’ doid asil ngaawi’ posolimbahon do Mentari Tropika.

Ka disio, komponi nokomoi nointutunan no doid RTM om nokoposolimbou ogumu’ ababayan montok polobuson id stisin koposolimbahan nokomoi pointonod di hopod toun nakatalib.

“Ababayan diti kopongukab kosiwatan kumaa diolo’ i opili’ do popokito kabaahan id nayatan lobi kasawat doid pomorunan momolihis pogun,” ka disio kawagu.

I Farrabe i po nogi’ Poposolimbou Eksekutif lumansan diolo’ i rumikot doid ujibakat do suab popokito kinotopoton nogi’ kotumbayaan di akawas.

“Yolo’ i rumikot doid ujibakat mositi’ no do ‘sporting’, amu’ oikum-ikuman om pasanganu kotumbayaan di akawas,” ka disio minamason.

Warisan Borneo i pikiikiro monimpuun pamagambaran do kolimpuunon wulan Kaapat diti potunudon di palakun om potunud nointutunan, i Marlin Malalin.

   
Email Print
   
 
 
E-browse