Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Esscom papanau pongkimamaan popoinsavat koumohigan pitakasan Esszone |  Lahan injin Malalap toodon mahik |  APPM minagau sigup ii sinansagan suminuang |  Kusai natagak ontok monginsada id Bavang Segaliud |  Sabah pinopoimagon palan kosudong kotundaan komuhakan |  Kenangan indah masih segar |  Warga UMS bersihkan Pantai ODEC, kutip 1.8 tan sampah |  Jimmy: Longgokan tayar di kawasan bengkel perlu diselesaikan |  Tindakan penculik muat naik video acu parang ke leher mangsa adalah perang psikologi: Fuzi |  Rozman minta waktu operasi Klinik Kesihatan di UTC dilanjutkan |  Landasan kereta api dari Tenom- Melalap akan dibina semula: Peter |  APMM Lahad Datu tahan bot, rampas rokok |  ESSCOM pertingkat keselamatan perairan Esszone, kata Ayub |  Daikin launches R32 inverter air conditioning series |  Celcom’s customer experience receives international recognition | 
 Kadazan Dusun

SAKADAI POIMBIDA RM500 MONTOK PAKALAJA POLINTA

19th November, 2016

Di MARRYAN RAZAN marryan@newsabahtimes.com.my

KOTA KINABALU: Polinta pogun pinopoboos sakadai poimbida kiginumu RM500 montok saviavi puu kotoinaan polinta pogun diti puu Unit Buan Kotundaan Mogiigizon (UPPM).

Vozoon Montili Datuk Seri Musa Aman minoboos pambalazan poimbida dino todoon minamot kabalai gaji ontok Vuhan Koiso 2017 mikot.

“Polinta pogun nga maganu tavavagat kokomoi ahal tangangazan moninganu hamin sondii id tinimungan pakalaja polinta pogun.

“Saasabap no dino, anangan zou popoiho do polinta pogun kaakun montok popoinsavat had kopotutan pagahasan pomuhominan pakalaja polinta pogun mantad RM350,000 kumaa RM500 ngoibu linggit,” ka disido.

Minoboos isido dino ontok pinapahabus Bajet Pogun Sabah 2017, id Dewan Koundangan Pogun (DUN) id doiti, di koniab.

Musa i nogi Montili Kousinan minoboos, pakalaja polinta nopo nga pinuobo om tindundu polinta. Iti saasabap no do kahantazan ikoton om abaabazan kotundaan polinta poinhansan kozo kumaa vinasi om giniot pakalaja polinta pogun.

“Kinapanaanan do boogizan kipotutan kumaa piipio pakalaja polinta pogun diti okon nopo kapanaak pinonigagan nga tuutulus minonohikud dotokou saviavi.

“Mononso zou kozo saaasabap no do iti no i noboos sabaagi humansan do tansa, tansa vagu makan paai, tonggungan di tinaak au kinomoi sabaagi iso tonggungan di tapatut do tuhukon, id sambahik dino ginuno montok kountungan sondii,” ka disido.

Kogompit dino ka disido, id suang pongkimamaan montok momoguno saviavi vinakas om pongkimamaan popobuu layat om pogun, au monukop o polinta id ahal ngaavi kogompit humasa kuasa om koumohigan pogun. Otumbazaan i Musa vookon ginumu puu pakalaja polinta id pogun diti mongkimamaa om dedikasi kumaa kalaja om tonggungan dioho.

“Kumaa dioho i kiginavo do kahantoi om tootopot manaak kotoinaan om kotuhungan, kosudong miampai kotontuan polintan hongkod id suang Bajet Nasional di kavavagu diti, mantad dino polinta pogun nakaakun montok manaak sakadai poimbida kiginumu RM500 kumaa saviavi puu Kotoinaan Polinta Pogun Sabah om puu UPPM,” ka disido.
   
Email Print
   
 
 
E-browse