|
14th August, 2007
PUTRAJAYA: Minomutus di koniab o Kotinanan Kokuasaan Pomihian (SPR) montok momoguno tanda dawat id hindusu toi tuntuu hongon id pomihian tagazo do mikot.
Minoboos i Poniikon SPR, i Tan Sri Abdul Rashid Abdul Rahman do kinoputusan montok momoguno dawat poimbida mantad india diho, i obuihit do puhason montok piipio tadau, nopo nga mipahud miampai kopoihaan do Kounsol Fatwa Kabangsaan di minggu nakatahib, papavasa do pomogunaan dino i au kadaandang ukum syarak.
Mantad diho, mamaso SPR do popotounda gais tonudon montok kukumalaja id kinoizonon ngaavi pongundian id pototongkop pogun.
“Sundung tu pomogunaan tanda dawat nokomoi dati do aiso vaza poimponu dino montok mamagakom ponipuan, nung kivaa, hobi no montok kiis minhahasu do mongundi montok boogizan tuhun napatai, poingkuo po nga pomogunaan tanda dawat nokomoi nopo nga kahansanan do kaanu mongingkudi pinggisoman do boogizan pointantu montok papaatu ningkokoton do SPR,” ka disido kuminaa doid magagSPR momoguno tanda dawat id hindusu toi tuntuu id pomihian mikot SPR momoguno tanda dawat id hindusu toi tuntuu id pomihian mikot anu abal do doiti di koniab.
Minomutus o Kounsol Fatwa Kebangasaan montok papavasa do pomogunaan dawat poimbida nokomoi di kahapas kinoputusan do Koupisan Kimia om Univositi Kebangsaan Malaysia (UKM) nokoiho do aiso tanog diho do kavi di kaanu momiumbak ibadat tuhun Islam.
Di poguhui diti, pinopoboos o SPR do atag montok momoguno dawat poimbida nokomoi montok mananda tuntuu toi hindusu do mongungundi montok mongivad ponipuan doid pomihiann tagazo diti mikot.
Minoboos i Abdullah do mantad ahal lahan pomogunaan dino, papasaat dawat nokomoi o kalani (koduvo) id kinoizonon pongundia id hindusu toi tuntuu ponontuduk hongon gibang songian ahapas kointutunan do momimihi do ointutunan di kalani (koiso).
Naamot do kalani kotohu nopo nga manaak kalatas pongundian i di natandaan ontok ahapas tanda hindusu di maan do kalani koduvo.
Monok mongungundi di aiso tuntuu, maan o saap id hunggazan montok papatantu do nokoundi no,” ka disido.
Minoboos isido do tanda dawat nokomoi nopo nga au oguno montok mongungundi pos i i kivaa no mogisusuvai kopomoiganan montok papatantu katapatan dino.
Pinopointahang i Abdul Rashid do kalani koiso di kikotonggungan mombii kad kointutunan mongungundi, nopo nga momolisa tutuntuu do mongungundi montok papatantu nung nokoundi izioho di poguhui diho om nung momoguno o mongungundi do saat id hindusu, patandaon o dawat (SPR) diho id tuntuu.
Poingkuo po nga mongunsub isido do mongungundi do au momoguno saat id hindusu ontok tadau pongundian.
Minoboos i Abdul Rashid do pomogunaan tanda dawat kivotik toitom diho nopo nga kopogompit balanja okuang mantad RM1 lizong om kivaza kozo iho tu au ouhan do atahup miaga di gunoon do piipio pogun.
Minoboos i Abdul Rashid do pomogunaan dawat diho nopo ngan montok monontob ginavo do savi avi boogizan tu di songian kopongo pomihian tagazo di toun 2004, kivaa mogisusuvai pongunsuban do piipio paati pulitik mooi do popoimbuhai o SPR iso lahan montok manahob koimaan di komozon sabaagi ponipuan id suang kapapanaon pongundian.
“Is suang pomihian tagazo, kivaa dati tohu kavo ponipuan i dati (toi noboos) kumiman do maan, iho nopo nga minhahasu miampai lahan momoguno kad kointutunan mongungundi di napatai, minhahasu miampai momoguno kad kointutunan tuhun suvai i ngaan dino kivaa suang lijistol momimihi om mongundi do induvo (momoguno kad kointutunan di misuvai id duvo kinoizonon),” ka disido.
Minoboos i Abdul Rashid, tu pomogunaan tanda dawat nokomoi nopo nga sabaagi projik ponginaman, monoihi o SPR do kobohingkaangan di koimbuhai songian ahapas kopoonjulan dino poguhui dodizon iso koatulan pomihian tagazo.
|
